P41.5-M IPINAMAHAGI NG DA SA MAGSASAKA SA ILOCOS NORTE

LAOAG CITY, Ilocos Norte

Nakatanggap ang mga magsasaka at local government units (LGUs) ng Ilocos Norte ng P41.53 milyon na agricultural interventions mula sa Department of Agriculture (DA) sa pagbisita ni Senior Undersecretary Domingo Panganiban dito kamakailan. Sinabi ni DA Region 1 OIC Regional Executive Director Annie Bares na kabuuang P26.5 milyon ang iginawad sa Batac City LGU para sa rehabilitasyon ng anim na irrigation facility na nasira ng tropical cyclone.

Isa pang P13 milyon ang inilaan para sa rehabilitasyon ng Cabaruan canal lining para mapabuti ang irigasyon sa munisipalidad ng Bacarra. Nakatanggap naman ang North Main Canal Federated
Irrigators Association Inc. ng combine harvester na nagkakahalaga ng P1.418 milyon. Bukod dito, 47 magsasaka ng palay mula sa mga bayan ng Pasuquin, Sarrat, Vintar, Batac, Paoay, at San Nicolas ay nakatanggap ng tig-P5,000 cash o kabuuang P235,000 sa pamamagitan ng Rice
Competitiveness Enhancement Fund-Rice Farmers Financial Assistance (RCEF- RFFA). Sinabi ni Bares na namahagi din ang DA Ilocos RFO ng 130 maliliit na ruminant sa ilalim ng livestock program.

Freddie Lazaro/ABN

Amianan Balita Ngayon