Panagkonsulta iti IRR ti Magna Carta for the Poor naangay sadiay Rehion 1

October 28, 2019 Headlines

BAUANG, La Union – Indanguluan ti National Anti-Poverty Commission (NAPC) iti regional consultation iti panangputar ti Implementing Rules and Regulations (IRR) iti Magna Carta for the Poor idi Oktubre 21 ken 22 idiay Hotel Ariana.

Kinuna ni Alfred Antonio, development management officer V iti NAPC nga iti dua nga aldaw nga pasamak ken panggep na nga mangurnong iti feedbacks ken komento iti singasing nga IRR ti Republic Act 11291 wenno iti Magna Carta for the Poor.

“Nangisayangkat kami iti serye ti konsultasion iti intero a pagilian tapno mairaman dagiti stakeholders tapno malpasmi iti IRR nga agserbi a kas blueprint wenno pagannurutan nu kasatno nga ipatungpal iti linteg,” kuna ni Antonio.

Iti umuna nga aldaw ti pasamak ket timmabuno iti agarup 600 nga pannakabagi manipud local government units iti rehion. Iti maikadua nga aldaw, kabayatanna, timmabuno dagiti kangrunaan a sector, civil society organizations, ken people’s organizations.

Kinuna ni Antonio nga iti panangpalpas iti IRR ket napateg gapu ta daytoy ket nabatad nga ilawlawagna dagiti akem ti Estado ken dagiti maseknan nga ahensia ti gobierno, dagiti ragup, ken dagiti aramaten tapno naananay nga maamiris iti natukoy nga lima nga kalintegan dagiti marigrigat.

Dagitoy a kalintegan ket iti sumaganad: Right to Adequate Food, Right to Decent Work, Right to Relevant and Quality Education, Right to Adequate Housing, ken Right to the Highest Attainable Standard of Health.

Maysa pay, kinuna ni Antonio nga iti magna carta ket saan nga Makita a kas panangtulad iti madama a poverty alleviation programs no di ket mangipasdek iti maysa a nasaysayaat ken natuntunos nga sistema tapno maipaay dagiti natukoy a kalintegan dagiti marigrigat.

Maysa kadagiti tampok iti konsultasion ket dagiti presentasion iti draft ti IRR sinaruno iti maysa a plenary discussion. Iti agtapus ti Oktubre, imbaga ni Antonio nga pagmaymaysaen ti maysa a grupo ti amin nga naurnong nga inputs manipud dagiti amin nga komsultasion nga naaramid iti tunggal rehion ti intero a pagilian.

“Namnamaenmi nga uneg ti Nobiembre ket nalabit nga malpasmi iti IRR para ti pirma ti Presidente,” kuna ni Antonio.

Iti kabaruan a report ti Philippine Statistics Autnority, maipakita nga ti poverty incidence kadagiti Pilipino iti umuna a semestre ti 2015 ket pattapatta nga 26.3 porsiento.

JNPD-PIA1/PMCJr.-ABN