PANGASINAN PINAATIDDOGNA ITI POULTRY BAN MANIPUD 17 PROBINSIA

October 7, 2023 Headlines

SUIDAD TI LAOAG, Pangasinan

Pinaatiddog iti di nakedngan a tiempo ti gobierno probinsial ti Pangasinan iti pannakaiparit
iseserrek dagiti pato, pugo, napapatay a manok, agpisi nga itlog, dagiti kalapati, dagiti tumatayab nga ay-ayam, ken ready-to-lay pullet (RTL) wenno nakasagana nga agpasngay a maladaga ken malimitaran iti panagtignay dagiti dadduma pay a tumatayab a manok ken nagtaud a produkto (byproducts) manipud 17 probinsia ti pagilian tapno mataginayon iti bird flu-free status daytoy.

Iti Executive Order 01 nga inpost ti gobierno probinsial idi Mierkoles, imbaga ni Governor Ramon Guico III nga iti pananglimitar ken temporario a naan-anay a panangiparit ket agaplikar kadagiti probinsia ti Bulacan, Pampanga, Nueva Ecija, Tarlac, Laguna, Sultan Kudarat, Benguet, North Cotabato, South Cotabato, Maguindanao, Isabela, Rizal, Quezon, Kalinga, Aurora, Ilocos Norte ken Ilocos Sur.

“Iti agtultuloy a tumatayab (avian) ken dadduma pay zoonotic influenza outbreak manipud kadagiti kabangibang a probinsia ket kalikaguman iti agtultuloy a pannakaipatungpal iti temporario nga naan-anay a panangiparit iti iseserrek dagiti mainaig a produkto, a mabalin a mamagpeggad saan laeng a ti lokal nga industriatayo ngem kasta met dagiti di ammo a peggad a mabalin a pakaigappuan iti daytoy nga iraraira iti agkonkonsumo apubliko,” kuna ni Gov. Guico.

Imbaga ni Guico nga iti veterinary certificate, veterinary shipping permit, animal welfare registration certificate, certificate of disease-free status, handler’s license certificate of registration, ken transport carrier registration certificate ket kasapulan para kadagiti produkto ti broiler poultry
a sumrek iti probinsia. Adda met dagiti agduduma a pakasapulan para kadagiti maysanga-aldaw a sibong, agpisi nga itlog (hatching eggs), itlog, presko a karne ti manok, ken frozen a produkto ti karne ti manok.

“Dagiti local government units ket maiturong a papigsaen iti panagmonitor iti panaglako iti karne ti baboy ken frozen products kadagiti agduduma a merkado publiko ken dadduma nga establisimiento iti uneg ti territorial a sakupda,” kuna ni Guico. Amin nga animal quarantine
checkpoints kenfacilities ket surutenda iti nainget a panagbantay kadagiti nagduduma nga entry ken exit points iti probinsia para kadagiti pato, pugo, napapatay a manok, agpisi nga itlog, kalapati,
tumatayab nga ay-ayam, ken dagiti nakasagana nga agpasngay a maladaga (ready-to-lay pullet),
kunana. Mainayon pay, binilinan iti EO dagiti amin a transhipment nga agturong Ilocos Sur, Ilocos Norte, La Union, Abra, ken Benguet a dumalan laengen iti TarlacPangasinan-La Union Expressway.

(HA-PNA Ilocos/PMCJr.-ABN)