Pangasinan PPO nakaawat ti PSA awards
LINGAYEN, Pangasinan – Nakaawat iti Pangasinan Police Provincial Office (PPO) iti sumagmamano a major awards karaman ti Best Police Provincial Office award iti kalkalpas a seremonia ti 119th Police Service Anniversary idiay Camp BGen. Oscar M. Florendo Grandstand sadiay San Fernando City, La Union.
Iti Best City Police Station ket nagun-od ti Dagupan City Police Station nga idanguluan ni PLt.Col. Abubakar Mangelen Jr. yantangay nga iti Best Municipal Police Station ket napan iti Villasis Police Station nga idanguluan ni PMAJ Fernando Fernandez, amin idiay Pangasinan.
Inyawid met dagiti pulis ti Pangasinan iti major individual awards a sumaganad: Provincial Director PCOL Redrico Maranan kas Best Senior Police Commissioned Officer (PCO) for Administration; PLTCOL Vicente Castor, Jr. kas Best Junior PCO for Administration; PEMSgt. Eduardo Dispo kas Best Senior Police Non-Commissioned Officer (PNCO) for Administration; ken PMSgt. Bembo Soriano kas Best Senior PCO for Operations.
Naited met iti special awards kada PMAJ Exzur Relatado (PCO) ken PSSgt. Carlos Furugganan (PNCO). Inawat met iti Pangasinan PPO iti Special Unit Awards iti kampania kontra top most wanted, high value illegal drug personalities, illegal drugs, illegal gambling ken loose firearms.
Impresenta ni PBGEN Rodolfo Azurin Jr., police regional director dagiti pammadayaw kadagiti sabasabali a nakaawat ken imbaga na nga maragsakan daytoy nga adu iti banwar kadakuada nga situtulok nga agsakripisio nga maipakita iti di agsardeng a gubat kontra coronavirus disease 2019 (COVID-19).
“We should nourish our service in keeping our community safe and withstand the challenges of COVID-19 in carrying out our mandates under the new normal,” kinuna ni PBGEN Azurin iti maysa a pagsasao.
VHS/PMCJr.-ABN
Pulis unang kaso ng Covid sa Sagada
August 15, 2020
72 rebel returnees welcomed by Azurin
August 15, 2020