PBBM INDAULUANNA ITI PANNAKAIWARAS TI 69 AMBULANSIA TI ILOCOS REGION

September 13, 2024 Headlines

SIUDAD TI LAOAG

Indauluan ni Presidente Ferdinand R. Marcos Jr. idi Mierkoles iti pannakaiwaras ti 69 fully-equipped ambulances
nga aggatad ti dagup PhP146.28 million sadiay Malacanang of the North. Agingga pito kadagiti ambulansia iti naited ti ili ti Carasi, Pinili, Nueva Era, Dumalneg, Sarrat, Vintar, ken Batac City ti Ilocos Norte ken ti dadduma pay ket maipaima kadagiti di maikari a lugar kadagiti sabali a probinsia ti Ilocos Sur, La Union ken Pangasinan.

Indonar ti Philippine Charity Sweepstakes Office (PCSO) dagiti lugan iti sidong ti Medical Transport Vehicle Donation Program daytoy. Nagyaman ni Mayor Robella Gaspar ti ili ti Carasi kenni Presidente ken ti PCSO ken imbagana nga naparpartak ken ad-adda nga episiente ti panangibiahe kadagiti pasiente baya iti emerhansia kadagiti
adayo a barangay. Iti napalabas a taw-tawen, kasapulan ti Rehion ti Ilocos dagiti fully-equipped ambulance a mangsukat kadagiti daan ken nadadael a lugan dagiti district hospitals, segun kenni Dr. Rogelio Balbag, executive hospital director ti Ilocos Norte.

Bayat nga adda ti probinsia a timmabuno iti nadumaduma a pasamak a pananglagip iti maika 107 nga anibersario ti pannakaipasngay ti amana, ti pimmusay a Presidente Ferdinand Marcos Sr., indauluan met ti hepe ehekutibo iti panangiwaras ti Ayuda sa Kapos ang Kita Program (AKAP) iti agarup 17,000 tricycle drivers, market vendors, mangngalap, ken dadduma pay a naisina a trabahador sadiay Laoag City Centennial Arena. Panggep ti AKAP a mangipaay ti tulong a pinanisal kadagiti marigrigat a pamilia ken indibidual tapno masagrapda dagiti kasapulanda.

Tunggal benepisario manipud umuna a distrito ti Ilocos Norte ti nakaawat ti PhP5,000. “Asahan ninyo na nandito ang inyong national government, nandito ang provincial government, nandiyan ang mga diputado na tumutulong lahat. Lahat ng ahensya ng pamahalaan, lahat, pati LGU (local government unit), ay pinagkaisa namin at sinabi naming kailangan ay magtulungan at matulungan natin ‘yung mga tao,” kinuna ti Presidente iti mensahena.

Sakbay ti pasamak idiay Centennial Arena, indauluan met ni PBBM iti panangiwaras iti agricultural, fishery, ken veterinary assistance kasta met iti AKAP kadagiti mannalon, mangngalap, ken agtartraken ti dinguen ti Batac City, Ilocos Norte. Dagiti yunit ti makinaria ti talon ken agricultural inputs ket napondoan iti PhP99.88 million manipud Department of Agriculture ken PhP58.07 million manipud iti gobierno probinsial ti Ilocos Norte.

Bayat iti pannakaiwaras ti AKAP sadiay Centennial Arena, nagyaman ni Ilocos Norte 1st District Rep. Ferdinand Alexander Marcos iti Presidente iti agtultuloy a tulong para iti probinsia. “Ang sabi ng Pangulo sa akin na kapag pumupunta siya dito sa Ilocos ay gumagaan ang kanyang utak at puso dahil lagi niyang nakikita ang pagmamahal ng mga Ilokano sa amin sa araw araw at ang tiwala na inilagay niyo sa pamilya Marcos. Kaya taos-puso po kaming nagpapasalamat sa inyong lahat,” kinuna. Kabayatanna, nangipaay met ti opisina ni Senator Imee Marcos iti maysa a libre a dialysis clinic idiay Mariano Memorial Hospital sadiay Batac City bayat ti aldaw.

(LA-PNA Ilocos/PMCJr.-ABN)