PDEA-ILOCOS IRUTANNA TI PANAGBANTAY ITI APLAYA TAPNO MALAPDAN TI DRUG SMUGGLING

March 1, 2024 Headlines

SIUDAD TI DAGUPAN, Pang.

Irutan iti Philippine Drug Enforcement Agency (PDEA)- Ilocos iti panagkontrol kadagiti puerto ken aplaya, agpokus
kadagiti operasion a panangikkat ti droga iti barangay, ken makikadua kadagiti sabali nga ahensia tapno mapaado dagiti nalinisiti-droga a barangay iti rehion. Imbaga ni PDEA-Ilocos regional director Joel Plaza iti maysa a virtual forum idi Martes (Pebrero 27), a planoda a mangbuangay ita a tawen iti Seaport Inter-Agency Drug Interdiction Task Group tapno mapapigsa iti seguridad ken panangsiput ti panagpuslit kadagiti lugar ti igid ti baybay.

“We have vast coastline, thus we are prone to drug smuggling. But even before the establishment of the task group, we have already started with the villages in the municipalities along shorelines. We are asking their help to detect smuggling activities (Nakalawlawa ti aplayatayo, ngarud nalakatayo a mapuslitan. Ngem uray sakbay a mabuangay iti task group, nangrugi kamin kadagiti barangay ken munisipalidad nga adda igid ti baybay. Dawdawatenmi iti tulongda a mangsukimat kadagiti aktibidad ti panagpuslit),” kinunana.

Dagiti kameng ti lokal a gobierno ti Santa, Ilocos Sur; San Juan, La Union; Burgos, Ilocos Norte; ken Tubao, La
Union ket nasanay para iti aktibidad a panagbantay ti kosta ken rangta ti PDEA a mangipaay iti ad-adu pay a
panagsanay. “We want to form a task group to have first responders on illegal drugs smuggling so we can follow through, back track, and investigate. We really need the help of everyone (Kayatmi a mangbukel iti maysa a task group tapno maaddaan iti umuna a mangipapag kadagiti iligal a panagpuslit iti droga tapno masurotmi ida, maback-track tayo, ken imbestigaran),” kinunana.

Imbaga ni Plaza nga iti Comprehensive Provincial AntiDrug Plan dagiti probinsiya ti rehion ket agpokus iti
panangdalus ti nabatbati a 337 nga apektado-ti-droga a barangay, ngarud, iti kinapateg a tignayen iti Barangay AntiDrug Abuse Council. “They would be able to identify the drug personalities in their communities and give
proper intervention with their resources (Mabalin a mailasinda dagiti drug personalities kadagiti komunidadda ken mangited iti umno a panangibabaet babaen kadagiti rekursoda),” kinunana.

Impaganetget met ni Plaza iti pakasapulan a makikadua kadagiti sabali nga ahensia ti gobierno tapno mangipaay iti
tulong kas kadagiti programa ti panggedan, kapada iti no aniat naited kadagiti residente manipud kabambantayan a
lugar a sigud a nairaman kadagiti pagmulaan ti marijuana; ken konstruksion kadagiti kalsada ken probision ti suporta tapno mangilehitimo kadagiti aktibidad ti panagmula. Imbagana nga itantandudoda iti maysa a drugfree a pagtrabahuan kadagiti ahensia ti gobierno, dinakamatna a naipaay dagiti seminar iti agarup 208 opisina iti rehion.
Idi 2023, naisayangkat ti PDEA-Ilocos iti 703 anti-illegal drug operations, nakakumpiskar iti nasurok PhP3.34 billion a gatad ti maiparit a droga, ken naaresto iti nasurok 800 drug suspects.

(HA-PNA Ilocos/PMCJr.-ABN)