PHP2-B PONDO PARA ITI PAGUDPUD VIADUCT 2 PROJECT NAIPASIGURADO

October 21, 2023 Headlines

LAOAG, Ilocos Norte

Impasigurado ni Ilocos Norte 1st District Rep. Ferdinand Alexander “Sandro” Marcos iti pannakaileppas ti Patapat Viaduct 2 project sadiay Pagudpud iti sumaruno a dua a tawen, babaen iti maysa a PhP2 billion a pondo manipud nasional a gobierno. Iti maysa nga interbiu idi Lunes, imbaga ni Marcos nga iti proyekto, ket maysa kadagiti kadakkelan pay laeng a proyekto ti imprastruktura iti administrasion ti Marcos iti daytoy nga akin-amianan a ruangan ti Luzon, a
mangpasigurado iti naannayas a panagayus ti publiko a transportasion, kasta met iti panangipaay kadagiti tagilako ken serbisio.

“Alam naman natin kung gaano ito ka-importante sa ating pangulo (Ammotayo no kasatno kapateg daytoy a proyekto iti presidentetayo),” imabagana, kunana pay nga iti masansan a pannakaserra ti
kalsada iti Manila North Road idiay barangau Pancian gapu kadagiti panagreggaay ti daga gapuanan ti dakes a paniempo.

Addaan iti umuna a pondo nga PhP300 million ita a tawen, rinugiannen ti Department of Public Works and Highways (DPWH) iti panangipatakder ti viaduct ita a bulan. Idi Mayo, linuktan ti DPWH iti proseso ti panagbidding para iti proyekto ken napili iti maysa a Japanese consultant a tumulong a mangibangon iti maysa nga adadda a modern a viaduct para iti ili ti Pagudpud.

Bayat iti panawen ti matutudo, dagiti motorista ken agbibiahe nga lumablabas iti national road idiay Pancian, a mangkonektar kadagiti rehion ti Ilocos ken Cagayan Valley, ket mataktak ti adu nga oras gapu kadagiti panagreggaay ti daga ken bato. Iti umuna a Patapat viaduct ket naipatakder iti panawen ti dati a president Ferdiand E. Marcos, nga agingga ita, agserserbi ti panggepna a panangrisut iti parikut ti panagreggaay ti daga a nakaigappuan dagiti aksidente ti lugan iti napalabas.

Iti rangtay, nga adda kangatona a 31 a metro iti ngatuen ti patar ti baybay, ket mangipaay iti panoramika a buya iti Pasaleng Bay kadagiti motorista iti maysa a bangir ken iti kabambantayan ti Cordillera iti maysa. Iti kinapintas ti viaduct ket nagbalin a maysa kadagiti nalatak nga atraksion ti turista iti Ilocos Norte, a mangawis iti ginasut a turista iti lugar, kangrunaan bayat dagiti panawen ti bakasion.

(LA -PNA-Ilocos/PMCJr.-ABN)