PHP6-B IPABULOD TI LANDBANK KAS SUPORTA PARA ITI DEV’T PLAN TI PANGASINAN

May 5, 2023 Headlines

SIUDAD TI BAGUIO

Suportaran ti Land Bank of the Philippines (LANDBANK) iti gobierno probinsial ti Pangasinan babaen iti maysa a PhP6-billion loan tapno mapapartak dagiti agduduma a priority projects ti
probinsia para iti transportation, health, education, tourism development ken urban township. Iti maysa a pagsasao idi Huebes, imbaga ni LANDBANK President ken Chief Executive Officer Cecilia
Cayosa Borromeo nga “Iti PhP6- billion loan ket naan-anay a suporta para iti development agenda ti Pangasinan nga agturong iti ad-adda a mangiraman, naandur, ken mataginayon a lokal nga
ekonomia.”

“This investment also underscores LANDBANK’s collaborative efforts for the province’s growth trajectory anchored on the efficient delivery of public service,” kuna ni Borromeo. Bayat iti State of the Province Address (SOPA) na idi Marso, imbaga met ni Governor Ramon Guico III, “The Land Bank of the Philippines, just like the tourists and investors who are now coming to our province,
know that they can trust the province of Pangasinan. Our omnibus loan that amount to PhP6 billion will finance almost all our projects.”

Kaaduan iti PhP6 billion omnibus term loan agreement nga aggatad PhP2.85 billion ket pondoanna dagiti bigticket infrastructure projects a nasidenio a parayrayen iti panaggunay ken pasayaaten
dagiti serbisio ti panagaywan ti salun-at iti Pangasinan. Dagiti terminal, land ports, ken bus stops ket maipatakder iti igid ti Pangasinan Link Expressway (PLEX) tapno makompleto iti intermodal transportation system a nadisenio a mangitandudo iti nasaysayaat a panagdaliasat kadagiti lokal
a tourist destination.

Karaman met iti plano iti konstruksion kadagiti sangladan ti baybay, iti panangpalawa ti Lingayen
Airport, ken konstruksion iti baro nga airport idiay Bani a mangsuporta iti maysa a salt farm resort kasta met mapatanor. Sakupen met iti LANDBANK loan iti pannakaipatakder ken panangpasyaat kadagiti provincial hospital idiay Urdaneta City, ken munisipalidad ti Lingayen, Tayug, San Carlos, Binalonan ken Umingan.

Mangipaay met iti LANDBANK iti financing nga aggatad PhP1.95 billion tapno maparegta dagiti aktibidad ti turismo, a karaman iti konstruksion iti baro nga hotel nga addaan internasional a brand, dadduma pay a resort, ken iti panangpasayaat kadagiti event and entertainment facilities. Iti mabatbati a PhP1.2 billion ti utang ket naituding para iti pannakaipatakder ti Pangasinan Polytechnic College ken panangpasayaat iti sumagmamano a government centers.

Malaksid iti financing support, linuktan met ti LANDBANK iti maysa a Corporate Center idiay
Urdaneta City idi napan a tawen tapno maikkan iti probinsia ti pangasinan iti nalawlawa panakagun-od kadagiti nanam-ay ken natulnog a serbisio ti panangbangko. Ita a tawen, palawaen pay ti LANDBANK iti madanonna iti probinsia iti tallo a baro nga automated teller machines
(ATMs) idiay Alaminos City, Calasiao, ken dagiti awanan ti bangko a munsipipalid ti Mapandan, sibayna iti panangited iti maysa nga agent banking partner idiay Urbiztondo.

(AMB-PIA Pang/PMCJr.-ABN)