Power plant ng Hedcor, binomba sa Mt. Province

October 14, 2017 Headlines

LUNGSOD NG BAGUIO – Isang malawakang blackout sa lalawigan ng Mountain Province ang idinulot ng pagsabog sa control room ng Sabangan Hydro power plant sa Otucan Norte, Bauko na diumano’y kagagawan ng mga armadong kalalakihan.
Sa isang press statement ng Hedcor Incorporated, binomba ng isang armadong gupo ang kanilang pasilidad dakong 11pm noong Oktubre 10, Martes.
Sa naturang statement ay inihayag ni Hedcor Sabangan Inc. Senior vice president Chris Faelnar na walang nasaktan sa insidente at lahat ng kanilang empleyado ay ligtas at nasa maayos na kalagayan.
“We denounce this attack that resulted to the curtailment of power supply and hampering the development in the province,” ani Faelnar.
Sinabi rin nito na ang Sabangan power plant ay higit pa sa isang renewable energy facility ng Aboitiz power at Hedcor. “This is a community endeavor,” aniya.
Ipinaliwanag nito na ang Sabangan hydropower plant ay nakakapag-ambag sa pangkalahatang kapakanan ng kanilang host community sa pamamagitan ng royalty shares at energy regulation (ER1-94) shares na nagmumula sa operasyon ng planta.
“We employ people from our host community, we pay local and national taxes, and our Corporate Social Responsibility (CSR) activities tries to uplift the lives of our neighbors,” ani Faelnar.
“We are cooperating with the Philippine National Police and the Armed Forces of the Philippines, who are investigating the incident and have enhanced security onsite. Although 90 percent of our equipment at the tapping point was damaged, we have activated our Business Continuity Plan to restore the Sabangan Hydro operation within the soonest possible time,” dagdag niya.
Sinabi ni Faelnar na patuloy ang kanilang pakikipagtulungan sa lokal na pamahalaan ng Bauko at Sabangan para sa kanilang mga susunod na hakbang upang makabangon mula sa insidente.
Sa isang hindi opisyal na pahayag ng Mountain Province police, 10 armadong katao na hinihinalang miyembro ng New Peoples Army (NPA) ang umatake sa pasilidad at sinorpresa ang dalawang guwardya.
Ayon sa pulis, naglagay ang mga suspek ng improvised explosive devices sa pasilidad at kinuha ang dalawang 9mm pistols ng mga guwardya.
Ang Sabangan Hydro ay itinayo noong 2013 at nagsimula ang operasyon noong 2015. DIONISIO DENNIS JR. / ABN