Pres. Duterte, niluktan na ti Candon City bypass road

August 5, 2019 Headlines

SIUDAD TI CANDON – Pormal nga nilukatan ni Presidente Rodrigo Roa Duterte iti kaar-aramid nga Candon City bypass road iti maysa a seremonia a napasamak idiay Barangay Oaig Daya idi napalabas nga Hulio 25.
Nakakawes ti saan unay a pormal ti Presidente nga simmangpet agarup 5:37 iti malem lugan ti presidential chopper.
Kasangpet na ket kinuyog na da Senator Lawrence “Bong” Go ken Secretary Mark Villar ti Department of Public Works and Highways (DPWH) para iti ceremonial drive-thru nga pinanglukat ti nasao a kalsada.
Kalpasan na, kadua ni Presidente Duterte ni Secretary Villar nga nanglukat iti marker ti bypass road.
Iti mensahe na, dinakamat ti Presidente nga iti road project ket napateg nga kameng iti comprehensive infrastructure development program nga maawagan kas Build, Build, Build.
Pinagyamanan na dagiti trabaho ti DPWH para iti balligi nga panakalpas ti 7.719 kilometro nga Candon City bypass road project nga pangep-ep iti nakaro a trapik sadiay section ti Manila North Road, nga dumaliasat ti Candon City ken magunggonaan ti agarup 13,000 a motorist ti inaldaw-aldaw.
Pinagyamanan ti Presidente iti lokal a gobyerno ti Siudad ti Candon ken kabangibang nga ili iti natibker a suporta da iti bypass road nga nagpabiit ti oras ti biahe iti nagbaetan dagiti ili ti Sta. Lucia ken Santiago, Ilocos Sur manipud 40 minuto agingga 20 minuto.
“The bypass road project is expected to promote economic activity and to enhance mobility in the urban and rural areas of Ilocos Sur and the neighboring provinces as well,” kuna ti Presidente.
“This project emphasizes the importance of infrastructure and connectivity in the overall development of our nation; that’s why the government continues to heavily invest in our “Build, Build, Build Program” to enhance the connectivity and improve the people’s movement,” innayon na pay.
Iti sabali a bangir, kinuna ni Secretary Villar nga iti four-lane a bypass road project nga addaan maysa a four-lane bridge ket naipatungpal iti lima a paset nga addaan kabuklan a pondo nga PhP717.671M kanayon iti bayad ti road right-of-way.
Kinuna na nga maep-eppan ti bypass road iti nakaro a trapik idiay Manila North Road nga agturong sadiay Manila ken amianan nga il-ili ti Ilocos Sur, Ilocos Norte ken Abra.
“This project was done through the vision of our President, who was the architect of the “Build, Build, Build Program,” the most ambitious infrastructure program in the history of our country,” kuna ni Villar.
Kinuna na nga as-asikasuenan itan iti panakatungpal iti kari ti Presidente iti panankaaramid ti North – South Expressway road network nga mangputed ti oras ti biahe manipud Ilocos agingga Bicol manipud 18 oras angingga siam nga oras.
“The construction of the San Fernando City, La Union bypass road is ongoing, and we are looking more bypass road projects in Luzon area to hasten the travel time going to Ilocos,” kuna ni Villar.
Iti biang ni Candon City Mayor Ericson Singson ket inyebkas na iti napalaus a panagyaman ken Presidente Duterte para iti pannakairingpas ti bypass road project.
Nagyaman pay ni Singson keni Presidente para iti naan-anay a suporta na iti masungad nga panakapaipatungpal iti tallo a dadakkel nga proyekto nga maipatakder asideg iti nasaso nga bypass road.
Dagitoy nga infrastructure projects ket karaman ti 5,000 searing capacity sports coliseum, ti 200- bed capacity satellite branch ti Ilocos Training and Regional Medical Center (ITRMC), ken iti Candon Community Airport, nga agserbi iti tourism development program iti probinsia kangrunaan ti maikaddua a distrito iti Ilocos Sur.
“All these projects were funded under your (Duterte) administration; that’s why, we, the Candonians are forever grateful to your support to us,” kunana.
“Our president helped so much for the realization of our dreamed projects, which opens more opportunities and serve as a springboard to the next level of development of our city, and help alleviate the lives of our residents,” innayon pay ni Singson.
Kasta met, kinuna ni Singson nga iti baro a lukat nga bypass road ken masungad nga tallo pay a proyekto ket makatulong pay nga magun-od ti siudad iti sirmata-mision daytoy kas maysa a leading economic growth centers iti rehion ti Ilocos.
 
JCR/FGL, PIA 1/PMCJr.-ABN