PUBLIKO MAKONSULTA PANGGEP ITI INGANGATO TI SUELDO ITI REHION TI ILOCOS

March 27, 2022 Headlines

SIUDAD TI BAGUIO – Gapu iti agdadarison a presio iti langis ken dadduma pay a gagatangen, nakasaganan a mangikondukta iti maysa a panangkonsulta iti publiko ti Regional Tripartite Wages and Productivity Board (RTWPB) inton Marso 29 idiay Vigan City tapno maikkedeng no kasapulan iti maysa a panagngato ti sueldo iti Rehion ti Iocos.
Pinasengkedan daytoy ni Evelyn Ramos, regional director iti Department of Labor and Employment idi Biernes bayat iti panangipadamagna nga umuna daytoy iti maysa a serye iti panangkonsulta iti publiko iti rehion.
“As of the moment, there is no formal petition from the labor sector about the wage increase but the board will be conducting a wage review just the same (agingga ita a kanito, awan iti pormal a petision manipud iti sektor ti trabaho maipapan iti panangingato iti sueldo ngem uray nu kasta mangikondukta latta ti wage board iti wage review),” kunana.
Iti Marso 29 a panangkonsulta iti publiko idiay Vigan City kadua dagiti employer ken labor sector maipapan iti panangingato iti sueldo ket maaramid met iti saba sabali a siudad ken probinsia iti rehion.
Dagiti topiko a pagsasaritaan bayat iti pannakiuman ket iti socio-economic indicators kas iti inflation rate ken consumer price index. Kinunana nga aniaman a datos a makolekta manipud kadagiti nakipaset ket marepaso ken maaramat a kas maysa a pakaibatayan iti panagdesision iti wage board. Iti kaudian a wage order nga imparuar ti RTWPB iti rehion ket nagepekto idi Abril 30, 2019.
Iti madama a sueldo dagiti trabahador maibasar iti Wage Order RB 1-20 ket iti sumaganad: “PHP295 per day for plantation workers; PHP282 for non-plantation workers; PHP310 for establishments employing 30 or more, PHP285 per day for cottage handicraft enterprises, among other service establishments.”
Mabukel iti wage board kadagiti pannakabagi manipud dagiti mangyempleo ken sector dagiti trabahador, ken tunggal masya manipud iti National Economic Development Authority ken Department of Trade and Industry.
(PNA-LA PNA Ilocos/PMCJr.-ABN)