PWD’S ITI REHION 1 SUPORTADODA ITI PANNAKAIPASA ITI DISABILITY PENSION

December 3, 2022 Headlines

VIGAN, ILOCOS SUR – Nasurok 350 Persons with Disability (PWD) iti Rehion ti Ilocos iti nagpirma idi
Nobiembre 25 iti Manifesto of Commitment wenno manipesto ti kari tapno suportaran iti pannakaipasa ti Disability pension kaduana iti sabali pay a mainaig a pending bills idiay Senado. Karaman kadagiti
delegado ket dagiti PWD Leaders, Person with Disability Affairs Officers (PDAO), ken Municipal Social Welfare and Development Officers manipud siam a siudad ken uppat a probinsia iti Rehion ti Ilocos.

Nagpirma met da Governor Jerry Singson of Ilocos Sur, Director Joniro F. Fradejas of the National Council on Disability Affairs, Engr. Rey Farnacio, Regional Director of theZ Department of Information and
Communications Technology, Melecio Ubilas Jr., Department of Social Welfare and Development (DSWD) Region 1 Policy and Plans Division Chief, ken dadduma a bisita iti manipesto kas suporta iti nasao a kalintegan.

Iti panagpirma ket napasamak bayat iti “United Ilocandia Disability Summit” a naangay sadiay Provincial Farmers Livelihood Development Center iti siudad ti Vigan. “Agyaman kami ta babaen daytoy nga aktibidad ket mariknami iti suporta iti agduduma nga ahensia ti gobierno. Uray kaskasano daytoy ket bassit a pamay-an para kadakami tapno agmaymaysa, agin-innamo kami, ken maiyebkasmi dagiti pakaseknanmi kas maymaysa,” kuna ni Bernard Tabag, maysa a PWD manipud Vigan City.

Kabayatanna, iti mensahe ni Governor Singson bayat iti pasamak imbagana a, “Kangrunaan a panggep iti
gobierno ti probinsia iti maysa a nalawlawa a saklaw a pamay-an tapno mangipaay kadagiti serbisio ken sanguen dagiti kasapulan ken pakaseknan dagiti PWD.” Iti Disability pension a madama iti deliberasionna
babaen iti Senate Committee on Social Justice ket rangtana a mangipaay para iti universal disability allowance ken appropriation of funds para iti PhP2,000 monthly social pension dagiti PWD.

(ATV, PIA Ilocos Sur/PMCJr.-ABN)