REHION TI ILOCOS 90% COMPLIANT ITI EASE OF DOING BUSINESS LAW

December 7, 2021 Headlines

SIUDAD TI BAGUIO – Dagiti ahensia ti gobierno iti Rehion ti Ilocos ket 90.2 porsiento a natulnog iti Republic Act (RA) No. 11032 wenno iti Ease of Doing Business and Efficient Government Service Delivery Act of 2018, kinuna iti Anti-Red Tape Authority (ARTA).
Sinukimat dagiti opisiales ti ARTA dagiti local government units (LGUs) ti il-ili ti Rosales, Lingayen, Mangaldan, ken Siudad ti Dagupan idiay Pangasinan idi napalabas a Biernes kas paset iti cARTAvan iti ahensia, a pormal nga naiyusuat idi Nobiembre 29.
Kinuna ni Undersecretary Carlos Quita, ARTA Deputy Director General for Finance, Administration, and Special Programs, a pamuspusan daytoy ti ARTA tapno palawaen iti madanonna iti ruar ti Metro Manila tapno maipasigurado iti panagtulnog iti amin nga ahensia ti gobierno iti RA No. 11032.
Iti compliance rate para iti linteg iti intero a pagilian ket agarup 60 porsiento laeng, innayonna.
Iti Rehion ti Ilocos, nupay kasta ket napaneknekan nga addaan iti nangatngato a compliance rate nga agarup 90 porsiento, kuna ni Quita iti maysa nga interbiu.
“All the LGUs have their Citizen’s Charters prominently displayed in their city halls and are generally compliant with the ease of doing business law. However, there are some that have yet to set up their electronic business one-stop shops (eBOSS) or only activate their eBOSS during business permit renewal season,” kunana.
Kinunana pay a addaanda pay iti public assistance ken complaint desk kasta met iti committee on anti-red tape nga ipaalagad ti linteg nupay dadduma ket mangrugi pay laeng a mangbukel iti connittee.
Kinuna ni Undersecretary Eduardo V. Bringas, Deputy Director-General for Legal, ken Chief of Staff nga palubosan iti cARTAvan ti ARTS nga aramidenna ti singin a trabaho nga enforcement ken empowerment.
“This is part of our empowerment function. Instead of us doing the investigating, we give them the liberty and the chance to make sure that they are compliant with the ARTA law and the ease of doing business,” kinunana.
Iti nabiit, inisyu iti Office of the President ti Memorandum Circular No. 57 a mangbilin kadagiti national government agencies ken LGUs a mangisumitar iti updated Citizen’s Charter ken mangipasdekda iti electronic business one-stop shops, pareho a kangrunaan a probision ti RA 11032.
Iti saan a panagtulnog ket mabalin nga agresulta iti pannusa nga administratibo, nailanad iti bilin.
Iti regional inspections ket paset ti cARTAvan ti ARTS tapno maparegta iti pannakammo iti ease of doing business ken anti-red tape nga inisiatibo ti ahensia ken bumaba pay iti probinsia a tukad tapno maparegta iti maysa a whole-of-nation action kontra red tape.
Bumisita iti ARTA kadagiti sabali pay nga LGU iti Rehion ti Ilocos, Cagayan Valley, ken Cordillera Administrative Region iti sumarsaruno nga aldaw.
Sukimatenna met dagiti LGU sadiay rehion ti Visayas inton sumaruno a lawas ken dadduma a rehion iti simuno a tawen.
(HA-PNA Ilocos/PMCJr.-ABN)