REHION TI ILOCOS NABAKUNAANEN ITI 78% TI PUNTIRIA A POPULASION

March 13, 2022 Headlines

SIUDAD TI BAGUIO – Nasurok a 3.35 milion a residente iti Rehion ti Ilocos, wenno 78 porsiento iti 5.35 milion a puntiria a populasion, iti naan-anayen a nabakunaan kontra coronavirus disease 2019 (Covid-19) agingga Marso 8.
Maibasar iti datos nga inruar iti Department of Health Center for Health Development Ilocos Region (DOH-CHD-1) idi Martes(Marso 8), 438,958 iti naan-anay a nabakunaan sadiay Ilocos Norte; 500,374 idiay Ilocos Sur; 509,973 sadiay La Union; ken 1.9 milion iti Pangasinan.
Impakita iti datos nga iti 3.6 milion a puntiria a populasion ket nakaawat iti umuna a dose iti bakuna ti Covid-19, bayat a 534,830 iti nabakunaan iti booster shots.
Agarup 620,052 iti nabakunaan iti umuna a dose sadiay Ilocos Norte; 724,395 idiay Ilocos Sur; 842,047 iti La Union; ken 3.2 milion idiay Pangasinan.
Nairekord ti DOH-CHD-1 iti dagup 7.1 milion Covid-19 vaccine doses nga naited iti rehion agingga Martes. Kabayatanna, iti maikapat a National Vaccination Day iti Ilocos Region idi Marso 10 agingga 12 ket ipamaysana iti mangsalaknib iti kangrunaan ken awan gawayna iti kagimongan.
Imbaga ni DOH-CHD-1 regional director Dr. Paula Paz Sydiongco nga maysa a nabagbagas a konteksto ken natukentukel nga ibaballaet a panagbakuna kadagiti natukoy a puntiria nga maipatungpal, kas kadagiti nakalangan wenno nayeskediul para iti maikadua a dose, dagiti nabatbati nga saan pay a nabakunaan a senior citizen, ubbing nga agtawen iti 12 agingga 17, booster doses para kadagiti sektor ti ekonomia ken salun-at, ken agtutubo ken dagiti agnanaed iti naiputputong a lugar.
“All local government units shall ensure dissemination of targets and directives and are strongly enjoined to issue orders or ordinances to push for the last mile vaccination coverage of the most urgent and vulnerable population (amin a local government units ket ipasiguradoda iti pannakawaras kadagiti puntiria ken nainget a nabilinan a mangyetnag kadagiti bilin wemmo ordinansa a mangiduron iti maudi a milia ti panangsaklaw ti panagbakuna iti kagaganatan ken awan gawayna a populasion),” kunana iti maysa a pammalakad.
(HA-PNA Ilocos/PMCJr.-ABN)