RICE RETAILERS TI LA UNION NATULNOG ITI PRICE CAP CEILING, KUNA TI DTI-LA UNION

September 16, 2023 Headlines

SUIDAD TI SAN FERNANDO, La Union

Impalgak ti Department of Trade and Industry (DTI)- La Union iti agtultuloy a panagtungpal dagiti rice retailers iti probinsia ti La Union iti price cap ceiling nga imbilin iti Executive Order (EO) No. 39. Iti nasao a panagtungpal ket inbinglay ni DTI La Union Provincial Director Merlie Membrere kabayatan iti maysa a saritaan nga inaramid ti provincial office kadua iti Local Economic and Business Development Office (LEBDO).

Imbaga ni Membrere a dagiti empleado manipud DTI La Union ket nagkaykaysa a puersa iti Office of the Provincial Agriculturist (OPAg) ti Provincial Government ti La Union ken iti Local Price Coordinating Councils (LPCCs) para iti panagmonitor kadagiti merkado publiko ti ili ti Agoo
ken San Fernando City idi Setyembre 6 iti panagtungpal dagiti establisimiento ti price cap ceiling.
“Nakita natin na lahat sila [rice retailers] ay nagcomply sa mandate ng EO 39. Nakita rin natin na mayroon pa silang available stocks of well-milled and regular milled rice, particularly in the City of
San Fernando,” kuna ni Director Membrere.

Inlawlawagna met a saan a sakupen iti EO 39 iti amin a klase tib agas ken iti price cap ceiling ket para laeng iti well-milled ken regularmilled rice nga adda iti merkado. Itultuloy pay ti DTI La
Union iti panagmonitorda tapno masigurado iti agtultuloy a panagtungpal iti EO 39 dagiti rice retailers iti probinsia ti La Union bayat nga idagdagadag met iti publiko nga ireport dagiti kaso ti saan a panagtungpal iti DTI-La Union. “Kung may mga makita po tayong hindi pa nagcocomply, please get in touch with us. Magmomonitor po tayo para maipaliwanag sa kanila [ang price cap ceiling na ito],” kuna ni Director Membrere .

Kabayatanna, iti Siudad ti San Fernando babaen ni Mayor Hermenegildo Gualberto ket impasiguradona kadagiti apektado a rice retailer iti proce cap ceiling iti tulong para kadakuada tapno maisubli iti lugida. Innayon ni Mayor Gualberto nga iti opisinana ket nakitinnulong iti DTI, iti Department of Social Welfare and Development, iti Department of Interior and Local Government, ken iti OPAg ti probinsia ti La Union para iti sabali a possible a tulong a mabalin nga ited kadagiti apektado a rice retailer ti siudad ti San Fernando.

(CCMT-PIA La Union/PMCJr.-ABN)