Road widening for parking?

March 24, 2019 Opinion Sirmata ken Tagtagainep ni Mang Gusting

Naimbag nga agsapa, aldaw, malem wenno rabii kadakayo amin kabarangayan, kakayong, gagayyem ken saan nga amammo. Sumangbay manen kadagiti nadayaw a matmata yo toy kolum tayo ket sapay la koma ta naikkaten dagiti sangkap kadagiti mulagat yo.

Kumusta kayo metten Kakayong? Ningas kogon a kunada— nakaay-ayat ta adda dagiti kalye a napalawa ditoy siudad ti baguio, nangruna kadagiti barbaranggay. Maayat dagiti bumarangay ngem adda a nakaayat met dagiti adda luganna nga awan parkinganna.

Ayan ngaminen tay linteg a dika maka-renew luganmo no awan garahem? Anya kitdin nga style ti Pilipino. Tay kaarruba mi kasta, ngem ti inaramid da ket nakisarita da idiay kaarrubami nga adda garahena sa pinicture na.

Saan aya a certify-an ti kapitana? Diak ammo no ania met ti napasamak iti barangay level pay laeng. Siguro mabuteng idi diay kapitana a maawanan botos nangruna ket aduda nga agbotos daydiay a pamilia.

Unayen, padasek to man met no makagatangak iti Volbulok a kotsek. Kasta man met ti aramidek. Speaking of panagparada iti kalsada, adda payen tay nangikabil iti kayo iti pagparparkinganna ta awan Road widening for parking? kanu’t sabali a makaparking.

Inayan pay adi, a kunada. Wen, kabaranggayan tayo, nagadu a linteg wenno city ordinance ngem ningas cogon ti pannakaipatungpalna. Intay napaliiw manen iti kallabes.

Mismo nga iti barangay nga ayan ti trabahotayo, adda aldaw a nagikkat dagiti deputized barangay officials ken tanod ken diak ammo no adda kaduada a polis.

Nagikkat da met piman iti car plate dagiti nagparada iti kalsada. Good job kunkunami, ngem kabigatanna adda manen dagiti nagadu a lugan iti nasao a kalye. Pinalpaliiwmi. Makalawas manen ti napalabas, awan met nagikkat manen. ania dayta nga style yo.

Kasano nga umasenso tayo no kasta met. Hay naku, hay naku manen ken hay naku nga agsasaruno! Road widening for parking? Mismo a ditoy barangaymi kailian, nakaay-ayat dagiti adda luganna a sulpeng ken awan panagraemna iti linteg. Ala, ta kas kunak, padasek to man met nga iparada tay kotsek a volbulok ta kitaek no ikkatenda ti car plate na.

Dagitoy ti maysa kadagiti kangrunaan a parikut iti barbaranggay, ngem adda pay maysa a makapasuron la unay. Dagiti pet lovers nga irresponsible. Sumangka-otro dagitoy. Naayatda nga agtaraken nangruna iti aso ngem dida met ammo ti agtungpal iti ordinansa.

Naglawag ti “Aso ko, itali ko,” ngem awan met. Agpayso igalut wenno nakapupokda ngem iti rabii, maibulos dagitoy ta mapan da agkasilias iti kalsada. No nakatunganga ka a magmagna, ditamon a sumabeng no mabaddekam ti bassit a bunton nga imbatida ta segurado a mapilay ka ken bassawangam aminen a sairo.

Dap-awan tayo man ti madama a kampania. Ania kadi dagiti nadlawyo kailian, kabranggayan nga style dagiti agngayngayangay iti nangato a puesto? Dagiti kandidato national ti kayat tayo a sawen.

Awan nadlawyo kadagiti TV ads da? Paliiwem kayong, pasig a pada tayo a marigrigat wenno nakurapay manen ti nausar. Porke libre tuition, libre ospital ken ania pay a libre para kadagiti nakurapay. Ti kayatmi a paruaren, nausar tayo manen ngem, nariknayo kadi dagita kailian?

Apay nga ita laeng a mairakurak dagitoy a naaramidanda? Koma, no adda mapirmaan a linteg, maiwaragawag koma met uray makabulan ania? Nagadu nga agkakasayaat ken pabor iti
marigrigat ngem narikna tayo kadin dagita? Saan laeng a dayta.

Ti kabusor tayo la unay ket isu tipanagpipinnadakesda. No koma laeng ta irakurak da ti plata porma da, di maymayat ta makita no ania ti husto ken nasayaat.

Ngem kadagiti amin nga ads a nakitak, kasla nga awan man laeng ti nangibaga nga isubli ken pasayaaten tayo ti kinangayed ti nakaparsuaan.

Kas iti sirmata ken tagtagainep tayo nga intay pagnaedan agingga’t agurnos dagiti saka ken ima tayo. Ala, Kakayong, kasta pay ta naimasan tayo manen. Nalipatak tay awis ni partner tayo nga inkam agkape idiay ayuyang dagiti pada a dual citizen. Babayoooo, tsup-tsup, muaahh.