San Fernando, LU naipasidong iti ECQ

July 25, 2020 Headlines

SIUDAD TI SAN FERNANDO, La Union – Naipasidong iti Siudad ti San Fernando iti Enhanced Community Quarantine (ECQ) gapu iti kellaat nga panagngato iti kaskaso ti Coronavirus Disease 2019 (COVID-19) daytoy napalabas nga alaldaw.
Daytoy ket kalpasan iti kiddaw ni La Union Governor Francisco Emmanuel R. Ortega III iti Regional Inter-Agency Task Force (RIATF) nga ikabil iti siudad ti sabali a klasipikasion nga naaprubaran idi Martes.
Iti Executive Order No. 20, 2020, kinuna ni Ortega nga epektibo iti ECQ manipud Hulio 21 agingga Hulio 31 malaksid no maribukar wenno mapaatiddug nga annugutan iti RIATF.
Sakbay daytoy, naipasidong iti intero a probinsia ti La Union iti Modifiea General Community Quarantine manipud Hulio 16 agingga Hulio 31 iti bileg ti Inter- Agency Task Force for Emerging Infectious Disease (IATF) Resolution No. 55 nga adda petsa na nga Hulio 14, 2020.
Numan pay, kalpasan iti nasao nga deklarasion, idi Hulio 20, naaddaan iti innem a baro nga kaskaso ti COVID-19 ti San Fenando nga nagbalin nga 14 iti aktibo a kaskaso, isu nga nagkiddaw ti gobernador iti RIATF.
Kinuna na “to arrest the further spread of the COVID-19 in the City of San Fernando, La Union, and to benefit its surrounding municipalities as well as the Province in general, there is a need to declare a heightened classification for the City.”
Gapu iti pammalunos ti RIATF, binaon ti gobernador ni San Fernando City Mayor Alfredo Pablo R. Ortega ken local police nga ipasigurado ti panagtulnog iti operational guidelines para iti aplikasion ti zoning containment para iti lokalisasion ti National Action Plan Against COVID-19 nga panagresponde ken dadduma pay nga aplikable nga pagannutrutan iti panawen ti implementasion ti ECQ.
Karaman iti pagannurutan ngem saan nga limitado iti, panangipatungpal iti nainget a limitasion ti panaggaraw ken transportasion iti tattao, iti panangikabil iti checkpoints, iti panangsurot ti minimum health protocols, iti panangserado ti non-essential establishments, ken istrikto a regulasion ti panag-paandar kadagiti industria, iti pangipatungpal ti curfew, ken naparegta nga presensia dagiti unipormado a personnel tapno maipatungpal dagiti protocols.
Iti 20 a positibo nga kaskaso ti COVID-19 ti San Fernando City agingga 5 p.m. iti Hulio 20, walo iti naipan iti isolation facility ti siudad, lima iti naiserrek ti maysa nga ospital, maysa iti naipasidong ti nainget nga home quarantine, uppat iti immimbag, ken dua iti natay.
JND-PIA LU/PMCJr./EB-ABN