SEN. MARCOS, DPWH NANGIDANGULO ITI ‘GROUND-BREAKING’ TI SAN MANUEL-ITOGON ROAD PROJECT

March 10, 2023 Headlines

ITOGON, Benguet

Naparpartak, ab-ababa ken nalaklaka a sistema iti transportasion, di agbayag ket magun-od iti publiko nga agbiahe nga agturong ken aggapu Rehion 1 ken Cordillera kalpasan nga ipanguluan ti
Department of Public Works and Highways (DPWH) ken ni Senadora Imee Marcos iti pannakaisagana iti daga para iti pannakaipasdek ti San Manuel (Pangasinan)-Itogon (Benguet)
Road idi Marso 4.

Imbaga ni Senadora Marcos, nga iti proyekto a mangisilpo iti Rehion ti Ilocos ken Cordillera Administrative Region (CAR) ket maysa nga arapaap nga proyekto iti dati a Presidente Ferdinand E. Marcos Sr. a panggepna a maparegta dagiti aktibidad iti panagtagilako ken negosio manipud Rehion 1 ken CAR, kasta met iti Rehion 2. “Pangarap ng tatang ko na maikabit ang Region 1, 2 and
CAR para makinabang din ang mga bulubundukin ng Pangasinan, Benguet at Baguio, para ang turismo ay umusbong din dito sa ating mga bundok,” kuna ni Marcos.

Imbaga ni DPWH-I Regional Director Ronnel M. Tan, nga iti pannakaipatakder ti San Manuel Itogon Road ket maysa a panagsilpo a Regional Project a mangkonektar kadagiti ili ti San Manuel,
Asingan, Tayug ken San Nicolas iti probinsia ti Pangasinan; Cayapa, Nueva Vizcaya ken Itogon, Benguet. “The project is expected to enhance the future economic activities system between Ilocos Provinces and Benguet Province as well the whole of Regions 1 and CAR by providing a shorter, faster and cheaper transport,” kuna ni Tan.

Maysa pay, imbaga ni Tan nga ti proyekto nga adda kinaatiddogna nga 46.5 kilometro (Region I, Region II ken CAR) ken addaan napattapatta a dagup a gastos nga aggatad iti PhP1.915 bilion.
Innayonna nga iti proyekto ket buklen iti pananglukat ti kalsada ken panagkongreto ti two-lane
PCCP karaman iti drainage, slope protection works ken road safety facilities, panagibangon ti dua a 360 ken 350 lineal meter bridges ken panaggatang ti road right-of-way.

Idiay Rehion 1, mangrugi iti proyekto sadiay Barangay Guiset Norte, San Manuel ken agpatingga sadiay Brgy. Fianza, San Nicolas nga addaan kaatiddog nga 37.736 km nga addaan carriageway
width nga 6.7m ken thickness a 0.28m.

(EMSA/PIA Pangasinan/PMCJr.-ABN)