SIM CARD REGISTRATION- KALIGTASAN O IKAPAPAHAMAK

Sep 24, 2022

Inaprubahan ng Senado noong Lunes (Setyembre 19) ang subscriber identity module (SIM) Registration bill (SBN 1310) sa ikalawang pagbasa. Hihilingin sa SIM Registration Act ang rehistrasyon ng SIM para sa electornic devices sa pagtatangkang walisin ang mga krimen gaya ng scamming na kasalukuyang lumalaganap sa mga text messages.

Nauna nang inaprubahan ng House of Representatives sa ikatlo at huling pagbasa ang panukalang batas sa gitna ng pagdami at paglaganap ng spam text messages at mga nag-aalok ng mga kaduda-dudang transaksiyon. Inaprubahan ang House Bill No. 14 ng 250 mambabatas, anim ang tumutol at isa ang abstention na inuutusan ang mga public telecommunications entities (PTE) o mga direct sellers na hingin sa mga bibili o gagamit ng isang SIM card na magpakita ng isang balidong ID na may larawan upang tiyakin ang pagkakakilanlan ng bibili.

Sa panukalang batas ay kailangang hilingin ng mga PTE o sinumang direct seller na punan at lagdaan ng mga bibili ang isang control-numbered registration form, kung saan nakalagay dito ang mobile phone number at iba pang personal na impormasyon ng isang subscriber gaya ng buong pangalan, petsa ng kapanganakan, kasarian, at tirahan. Anumang impormasyon sa dokumento ng rehistrasyon ay aariing lubos na kompidensiyal o lihim maliban kung pinahintulutan ng subscriber sa pamamagitan ng pagsulat
na makuha ito.

Ang mga SIM card na na-isyu o nabili bago ang pagiging epektibo ng SIM Card Registration Act ay kailangan ding irehistro. Pananatilihin ng mga PTE ang isang registry ng lahat ng subscriber at kanilang nakatalagang SIM card at isusumite sa National Telecommunications Commission ang isang listahan ng kanilang authorized sellers/agents. Mula pa noong 2004 ay ipinanukala na ng mga mapbabatas ang SIM card registration dito sa Pilipinas at sa 18th Congress lamang marahil nakarating ito sa Pangulo upang lagdaan subalit vineto ni Pangulong Rodrigo Duterte bago magtapos ang kaniyang termino dahil sa pagkakalakip ng social media providers sa rehistrasyon na hindi naman bahagi ng orihinal na bersiyon ng
panukala at kinakailangan pa raw ang masusing pag-aaral.

Ayon sa isang ulat, mayroon na raw higit-kumulang 157 mga bansa sa buong mundo ang nagpatupad ng batas sa SIM card registration hanggang 2021. Iilan na lamang kasama ang Pilipinas ang natitirang magpapatupad pa lamang ng katulad na batas at isa sa dalawang bansa sa Asya kasama ang Israel na wala pang batas sa SIM card registration na ipinapatupad. Ang SIM Card Registration Act na ipinares sa National ID System (PhilSys) ay nakikita para sa isang mas epektibong pamamaraan upang matiyak ang
mga pagkakakilanlan, labanan ang cybercrime, at masiguro ang pambansang seguridad, at iba pang layunin.

Habang may mabuting layon ang panukalang batas, may mga organisasyon at indibiduwal ang nagpapahayag ng kanilang matinding pagkabahala ukol sa kanilang pagkapribado at kalayaang-sibil na maisaalang-alang, lalo na raw para sa isang gobyerno gaya sa Pilipinas na may 120 milyon mobile subscribers. Ayon sa Privacy International, ang SIM registration ay hindi naging epektibo sa pagsugpo ng krimen bagkus ay nagpalala pa. Sinabi pa na sa mga bansang nagpatupad nito ay nakita ang pagtaas ng mga krimen na may kaugnayan sa identity theft, at nasaksihan ang biglaang paglitawan ng mga black market na nagserserbisyo sa mga nagnanais na manatiling itago ang pagkakakilanlan.

Madali rin daw ma-clone ang mga SIM, o maaaring gamitin ng mga kriminal ang mga banyagang SIM sa roaming mode, o internet at satellite telephones upang makaiwas sa hinihinging SIM registration.
Ang hakbang na ito ay hindi lamang lilimitahan ang anonymity o di-pagkakakilanlan na mahalaga sa online kundi mababawasan din ang pagiging pribado at seguridad na inaasahan ng mga subscriber mula sa mga pribadong kompanya. Walang ebidensiya na magpapatunay na ang pamamaraang ito ay makakatulong na labanan ang mga krimen, maling impormasyon o mga scam na nag-udyok sa hakbang.

Ang anonymity ay isang mahalagang bahagi ng malayang pagsasalita sa online at ang kagaya nitong hakbang ay magkakaroon ng panghihinang epekto sa mga pampublikong diskurso. Marahil ang bawat inobasyon sa malao’t madali ay kailangang dumaan sa pagsubok ng regulasyon. Ang Pilipinas na gumawa ng isang malaking paglukso mula sa mga mababang antas ng pagsaklaw sa telepono sa nalalapit na pansansinukob na mobile phone access ay nananatiling isa sa mga pinakahuling bansa (na may malaking subscribers) sa buong mundo kung saan ang SIM card registration ay nananatiling hindi naipapatupad. Gayunman, hindi lahat ng uri ng regulasyon ay nililinang ang inobasyon na umunlad pa.

Tangka man na ugitan o ilagay sa regulasyon ang mga mobile phone, ay magiging kapaki-pakinabang na umusad, maaari lamang nating lubos na mauunawaan ang mga bungang-epekto sa hinaharap. Samantala, kailangan nating harapin kung ano ang mayroon tayo habang inaantabayanan ang epekto nito sa bawat isa at manatiling umaasa na ang landas na kasalukuyan nating tinatahak ay para sa pinakamabuti.

RELATED POSTS

SANA LAGING MAY GAMOT SA BARANGAY

SANA LAGING MAY GAMOT SA BARANGAY

Alinsunod sa Artikulo XV, Seksiyon 4 ng Saligang Batas, tungkulin ng pamilya na alagaan ang matatandang miyembro nito habang ang Estado ay...

NO STORY

NO STORY

Ang mga “informer” ay kadalasang ginagamit sa mga kaso ng organisadong krimen. Ayon sa United Nations Office on Drugs and Crime (UNODC),...

LATEST NEWS

TATLONG MAGKAIBIGAN ARESTADO SA KASONG PANGGAGAHASA SA KALINGA

RIZAL, Kalinga - Tatlong magkakaibigan na pawang sangkot sa panggagahasa noong 2011, ang inaresto ng mga tauhan ng Rizal Municipal Police Station, dakong alas-5:20 ng hapon, habang naghihintay ng bus papuntang Tuguegarao City sa junction ng Barangay Liwan. Kanluran,...

DEPAP

DEPAP

Men from the 13 municipalities of Benguet participate in the traditional pig catching as part of the Grand Canao event of the 122nd Benguet Foundation Anniversary thru the Adivay Festival at the Benguet Sports Complex on Wednesday. November 23, 2022. RMC PIA-CAR

IT BEGINS

IT BEGINS

Members of the Fil-Am Golf Invitational executive committee pose with Baguio mayor Benjamin Magalong after the ceremonial tee-off at the Baguio Country Club Thursday, Nov. 24 that signal the starts of the 72nd edition of the worlds largest amateur golf tourney. Some...

10 DRUG PERSONALITIES, NALAMBAT SA OPERASYON SA CORDILLERA

LA TRINIDAD,Benguet -- Arestado ang sampung drug personalities sa isang linggong anti-illegal drugs operation ng Police Regional Office-Cordillera na isinagawa mula Nobyembre 13 hanggang 19. Sa talaan ng Regional Operations Division (ROD) ng PROCOR, anim na drug...

BARANGAY MERGING ISINUSULONG NA SA LUNGSOD NG BAGUIO

BAGUIO CITY – Inaprubahan na sa unang pagbasa ng Sangguniang Panlungsod sa kanilang regular session noong nakaraang Lunes ang iminungkahing ordinansa na nag-aapruba sa pagsasanib ng 128 barangay ng lungsod mula sa 34 barangay lamang, na napapailalim sa mga limitasyon,...

MINE SAFETY FIELD DEMO

MINE SAFETY FIELD DEMO

The Philippine Mine Safety and Environment Association held its Mine Safety Demo and Competition at the Melvin Jones football field. Mining companies all over the country demonstrate their skills in Mine Safety and first aid response during the COVID-19 Pandemic....

ENCHANTED HOLIDAYS AT THE MANOR CAMP JOHN HAY

ENCHANTED HOLIDAYS AT THE MANOR CAMP JOHN HAY

Camp John Hay Development Corp. President Robert John Sobrepena leads in the lighting of the Christmas Tree and other lightings in the garden of Manor as a signal of the celebration of Enchanted Holidays in the Manor Camp John Hay . Art works of members of the City’s...

ARCHIVE

CONTACT US FOR YOUR ADVERTISEMENTS

MASTHEAD

Amianan Balita Ngayon

Pin It on Pinterest