SIM CARD RESISTRATION ASSISTANCE, IDIAY-DIAYA TI MAYSA A TELCOM COMPANY SIDIAY LA TRINIDAD

January 21, 2023 Provincial

LA TRINIDAD, Benguet

Mangidiay-diaya ti SMART Communications, Inc. iti Subscriber Identity Module (SIM) card registration assistance babaen kadagiti naimuntar a booths da iti sumagmamano a disso sadiay
La Trinidad tapno mang-asistar kadagiti subscribers da a saan a makaammo wenno makabael
nga agparehistro. Manipud Jan.16 agingga ita nga aldaw (Jan.18) ket adda ti nakapwesto a booth da iti sango ti La Trininidad Municipal Gym ;Jan.18 -Jan.20 sadiay Benguet Provincial
Capitol ken inton Jan.20- Jan.22 sadiay Tiongsan,La Trinidad.

Segun kenni John Natividad,Team leader SMART -AMI, agtultuloy dagiti nakaschedule nga simcard registration assistance nga idiay-diaya da kasta met ti pannaki-partner da kadagiti LGUs. Kinuna a posible nga adda met laeng dagiti maimuntar a booth da kabayatan ti selebrasion ti Strawberry Festival inton Pebrero.

Imbinglay na a sipud nagrugi da idi Lunes (Jan.16 ) a pannangimuntar da iti assistance booth ket adda metten ti nasurok tallo gasut a naasistaran da no sadino kaaduan kadagiti naasistaran  da ket dagiti senior citizens.\ Kabayatanna,ginuyugoy na ti publiko nga agparehistron iti SIM cards da wenno agturong kadagiti naimuntar a sim card registration assistance booth nga asideg kadakuada
tapno maasistaran da gapo ta agleppas ti SIM card registration agingga inton April
26,2023.

MPBC