SUNSET CEREMONY SA PAGGUNITA SA MGA BETERANO, ISINAGAWA SA BAGUIO CITY

BAGUIO CITY

Isinagawa ang kaunaunahang Sunset ceremony sa Veterans Park bilang paggunita sa mga World
War II veterans, kasabay ang pagtatapos ng ika-81 taon ng araw ng Kagitingan noong Abril 11, sa siyudad ng Baguio. Sinimulan ang programa sa Wreath Laying ceremony na sinundan ng 21-gun salute at paglipad ng Watawat sa kalahating palo bilang pag-alala at paggalang sa ating mga
namayapang bayani.

Pinangunahan ito ni Mayor Benjamin Magalong, kasama sina Vice Mayor Faustino Olowan, PROCOR Director Brig. Gen. David Peredo Jr., Councilor Jose Molintas, Councilor Vladimir Cayabas, PVAO Head Cherrylyn Sabling, The Veterans of the Philippines’ first district Commander Mariano Kalingawan, The Veterans of the Philippines’ second district Marshal Inatang, at Post-124
Commander Jonathan Istoke ng Veterans of Foreign War.

Dinaluhan din ito ng 50 post-war veterans mula sa District 1 at 2 ng Veterans of the Philippines ,gayundin ng mga opisyal at beterano ng Veterans of Foreign War. Ang mga miyembro ng pamilya, kaibigan, at mga mahal sa buhay ng mga beterano ay naroroon din upang parangalan ang mga alaala ng ating mga bayani. Ayon sa talumpati ni Magalong pinagbigyangdiin niya na,”As we celebrate this special occasion, let us renew our commitment to serving our country and our Filipino brothers and sisters. Let us build together a brighter future for our nation, one that is
worthy of the sacrifices of our veterans and one that honors their legacy and memory.”

Kate Juri Castañeda-UB Intern/ABN

Amianan Balita Ngayon