TPLEX naglukaten

July 18, 2020 Headlines

ROSARIO, La Union – Opisial nga naisibbo iti 11.45-kilometro nga Pozorrubio-Rosales a paset iti Tarlac-Pangasinan-La Union Expressway (TPLEX) idi Mierkoles, Hulio 15. Daytoy iti maudi a paset nga pannakairingpas iti uppat-alinia ti dalan 89-kilometro a toll road iti sidong ti program a “Build, Build, Build” iti nasional a gobierno nga indanguluan ti Department of Public Works and Highways (DPWH), ken kasugpon ti San Miguel Corporation (SMC).
“Completion of said expressway would benefit more than 20,000 motorists and de-congest Metro Manila by providing a faster, more convenient land transport to the provinces of Northern Luzon,” kinuna ni DPWH Secretary Mark Villar babaen kenni Bases and Conversion Development Authority President ken CEO Vivencio Dizon.
Nagserbi met a kas deputy chief implementer iti responde ti COVID-19 iti gobierno ni Dizon.
Iti pannakakompleto ti proyekto, napabiit iti panagbiahe iti tallo nga oras, bayat nga iti agturong ti Baguio manipud Metro Manila ket tallo ket kagudua nga oras laeng.
Namnamaen nga agbalin a kangrunaan nga instrumento iti TPLEX iti pannakaisubli iti turismo ken negosio iti Sentral ken Makin-Amianan a parte ti Luzon.
“It would also help boost economic development especially now that we are recovering from the impact of the pandemic,” innayon ni Dizon.
Pannakabagi ni Presidente Rodrigo Duterte ni Executive Secretary Salvador Medialdea bayat iti inagurasion nga imbagana, “I assure you that infrastructure projects under the ‘Build, Build, Build’ remains as one of the most efficient and effective means to revive the economy during this health crisis.”
Dinayaw met ni Medialdea iti DPWH, maseknan nga local government units, ken SMC para iti balligi ti nasao nga proyekto.
“This clearly shows that the strong partnership of the government and the private sector is instrumental in achieving our national development goals especially today that we are facing challenges,” kunana.
Kasta met, inyebkas ni Ramon Ang, president ken chief executive officer ti SMC nga, “Ngayong COVID crisis, walang negosyo. Kaya naman lahat ng aming resources ay ilalaan natin para tulungan ang bayan at ang ating gobyerno. We will keep on investing on any projects.”
Kabayatanna, naaramid iti rapid testing kadagiti sangaili karaman dagiti media practitioners tapno maipasigurado iti salun-at a pangpubliko ken kinatalged bayat iti kondukta ti pasamak. Adda met iti nasao nga inagurasion da Transportation Secretary Arthur Tugade, Finance Secretary Carlos Dominguez III, Presidential Spokesperson Harry Roque, Chief Implementor Carlito Glavez, PCOO Usec. Lorraine Badoy, dagiti provincial chief executives, district representatives, regional executives, ken municipal heads.
(CGRC, PIA LU/PMCJr.-ABN)