VULNERABLE SECTOR TI PANGASINAN NAGYAMAN ITI P20/KG A BAGAS

May 17, 2025 Headlines

LINGAYEN, Pangasinan

Inyebkas dagiti nalaka a maapektaran a grupo ti Pangasinan iti panagyamanda iti gobierno ti pagilian idi Huebes ta opisial a nairugi ti
programa ti 20-kada-kilo a bagas idiay Lingayen, a nangitukon iti bang-ar iti tengnga ti panagngato ti presio ti taraon. “Syempre maganda
tinupad nila yung PhP20/kg ng Marcos administration at madami nakinabang dito. Oportunidad natin ito na makabili ng murang bigas,”
kinuna ni Silvestre Vila Jr. iti pagsasao a Tagalog, maysa a lakay manipud barangay Maniboc ili ti Lingayen, Pangasinan a nanggundaway iti programa. Kinuna ni Rosita Alimbory, 70, ti Barangay Poblacion, a dakkel ti maitulong ti programa a mangsuporta iti dakkel a
pamiliana, a pakairamanan ti 10 nga ubbing ken appoko. “Makatulong daytoy kadakami tapno makissayan iti gastos,” kinunana.

Para iti 42-anyos a ni Enrico Aquino ti Barangay Baay, maysa a benepisiario ti programa ti gobierno a PantaWid Pamilyang Pilipino (4PS) a programa, ti nasubsidia a bagas ket kayatna a sawen a dagus a panagekonomia. “Dakkel a tulong gapu ta nangina ti bagas ita. Agyamanak iti inisiatibo ti gobierno,” kinunan kalpasan a makagatang iti lima a kilo para iti lima a miembro ti pamiliana. Ti well-milled a bagas ket agdama nga mailaklako iti nagbaetan ti PhP42 ken PhP55 iti tunggal kilo, a mamagbalin iti programa a PhP20/kg a mangitukon iti dakkel a warwar para kadagiti nababa ti matgedanna a sangakabbalayan. Imbaga ni municipal agriculturist Rodolfo dela Cruz a 45 sako ti 50-kilo a bagas iti nailako ti PhP20 kada kilo iti sidong ti programa, a puntiria dagiti sektor kas iti senior citizens, persons with
disabilities, solo parents, ken dagiti miembro ti 4Ps.

Kanayonan a 104 sako ti 25-kilo a bagas iti nailako iti PhP30 kada kilo para iti sapasap a publiko. “Ti Municipal Social Welfare and Development Office ket addaan iti masterlist ti vulnerable sector ken kasapulan nga iyegda dagiti identification cards kas pammaneknek nga isuda ket kualipikado a benepisiario bayat a ti PhP30/kg. ket silulukat iti amin,” kinunana. Kinuna ni Dela Cruz nga agtultuloy ti panagkiddaw ti lokal a gobierno kadagiti kanayonan a rice allocations tapno masustiner ti programa iti sidong ti inisiatibo ti Kadiwa ng Pangulo. “Agtultuloy ti panagkiddawmi kadagiti suplay para iti sabali pay a Kadiwa ng Pangulo ditoy ilimi. Maragsakankami nangruna kadagiti benepisiario a nabalinanda a ginatang ti nalaklaka ti presiona a bagas,” innayonna.

(HA-PNA Ilocos/PMCJr.-ABN)