WATER LEVEL ITI SAN ROQUE DAM ADAYO ITI SPILLING LEVEL

July 27, 2024 Headlines

PANGASINAN

Iti water level iti San Roque Dam, a mangsaklaw kadagiti munisipalidad ti San Nicolas ken San Manuel, Pangasinan ket agtaltalinaed nga adayo manipud spilling level iti tengnga iti panangpalubos ti danum manipud Binga Dam idiay ili ti Itogon, Benguet idi Huwebes. kenni San Roque Power Corporation (SRPC) vice president for corporate social
responsibility Tommy Valdez, imbagana nga iti water level ti San Roque Dam ket agarup 231.66 meters above sea level (masl), adayo pay laeng iti 280 masl spilling level.

Kinunana nga iti water level ket ngimmato iti dua a metro sipud ta nangrugi a mangipalubos iti danum iti Binga Dam iti alas 11:00 ti bigat. “Adayo pay laeng ti baba iti spilling level. Addaan tay pay laeng iti 49 metro sakbay a
mangipalubostayo iti danum manipud iti dam,” kinunana iti Tagalog. Imbaga ni Valdez a makagunggona kano ti tudo iti water level ti dam. “Iti schedule dagiti mannalon ket inton umuna a lawas ti Oktubre no mangrugida nga agtalon ngem dandani maysa agingga dua a bulan awan danummi, isu nga, ti tudo ket nasayaat gapu ta masapul a
maksimizarantayo iti prpoduksion ti taraon maitunos iti kari ni Presidente Ferdinand R. Marcos Jr., tapno masigurado iti suplay ti taraon ken tapno maibaba dagiti presio ti makan,” kinunana.

Kinuna ni Valdez nga itultuloyda nga agurnong ti danum bayat ti panawen ti panagtutudo tapno maited iti kasapulan nga irigasion iti intero a tawen dagiti mannalon. Imbagana nga agtultuloy iti San Roque Dam a mangpataud iti 115 megawatts iti inaldaw kabayatan ti oras nga adu’t agus usar ken panagibulos ti danum para irigasion. “Agtultuloy ti panagmonitormi tapno epektibo a maimanehar iti reservoir,” innayonna. Impadamag ti Pangasinan Provincial Disaster Risk Reduction and Management Office a dagiti kangrunaan a river sytems ti probinsia ket above normal level malaksid iti Sinucalan River, nga adda iti normal level.

(HA-PNA Ilocos/PMCJr.-ABN)