Zero incidence iti SEA games panggep ti LU police

November 30, 2019 Headlines

SIUDAD TI SAN FERNANDO, La Union – “Panngep tayo ti maysa a zero incidence kabayatanna nga sangailiyen tayo ti surfing competition ditoy probinsia.”
Daytoy ti imbaga ni Police Lt. Col. Silverio Ordinado Jr., chief ti Police Community Affairs and Development Branch iti La Union Police Provincial Police (LUPPO), bayat iti bunulan a Civil Defense DRRM (Disaster Risk Reduction and Management) radio program iti Office of Civil Defense (OCD) ken ti Philippine Information Agency sadiay Ilocos.
Agadup 1,260 personnel manipud iti Police Regional Office 1, iti Bureau of Fire Protection, Philippine Coast Guard ken dadduma pay a uniformed and non-uniformed personnel iti tumulong ti LUPPO tapno masiguro iti kinatalged ken seguridad kabayatanna nga mapaspasamak iti surfing competition sadiay San Juan.
Iti makuna a competition ket agmaymaysa a ay-ayam nga maaramid iti probinsias kas paset iti 30th Southeast Asian Games nga iti pagilian ti mangsangaili.
“Ngem kasapulan tay met iti panakitinnulong iti tattaoti komunidad ken force multipliers on ground tapno masiguro iti kinatalged ken seguridad dagiti amin nga atleta, coaching staff, organizers, bisita, ken media personalities iti panawen ti kompetision,” innayon ni Ordinado.
Nasurok a 40-60 atleta manipud innem nga competing countries ken coaches iti aktibo nga makipaset iti surfing contest nga mangrugi inton Disyembre 2 angingga 8, 2019. Pinalagipan ti LUPPO iti umili nga liklikanda ti uminom ti arak ken agsindi ti bonfires iti igid ti baybay, mangitugot ti aniaman a natadem wenno deadly wqipment, ken aglangoy wenno aniaman a beach activity kalpasan ti 6:00 ti rabii.
Impalagip pay ni Ordinado kadagiti bisbisita ken lokal nga unili nga mintinaren ti kinalinis ken liklikan nga ibelleng ti basurada sadinuman a lugar. Kangrunaan nga nabilinan ti LUPPO nga masigurado iti kinatalged ken seguridad para iti aktibidad ken iti nabilleg a panakitinnulong ti gobierno ti probinsia, babaen ti Provincial Disaster Risk Reduction and Management Office (PDRRMO), para iti emergency preparedness response.
Nangisayangkat ti OCD ken PDRRMO iti earthquake ken tsunami drill idi Nobyembe 22 kas paset ti emergency and response preparedness plan.
 
JDS-PIA La Union/PMCJr.-ABN