167th founding anniversary ti La Union, marambakan

February 18, 2017 Headlines

LA UNION – Indeklara ti Malacanan Palace ti Marso 2, 2017 kas maysa a non-working holiday iti La Union kas pannakaselebrar ti maika-167 founding anniversary ti probinsia babaen ti Proclamation No.153.
Naisaganan dagiti aktibidad ti probinsia kas panangrambak iti anibersaryo daytoy ita a tawen nga addaan ti tema a “Hearts beating as one for the love of La Union.”
Mangrugi dagiti aktibidad iti La Union Vibrant Women Inc. (LUVWI) walk for love-cum zumba ken pananglukat ti Agri-tourism Fair 2017 and Photo Exhibit no Pebrero 21 sadiay siudad ti San Fernando.
Aldaw para kadagiti taraken nga ayup ti Love Your Pet a mapasamak sadiay Plaza Gazebo, siudad ti San Fernando no Pebrero 22. Maikkan dagiti taraken ti libre a veterinary services kas ti castration para kadagiti umuna nga 70 nga aso wenno pusa, vaccination, consultation, deworming, mange treatment ken vitamin supplementation.
Mapasamak ti La Union Mega Jobs Fair 2017 no Pebrero 24 sadiay Father Burgos Gym, Carlatan, siudad ti San Fernando.
Pebrero 28 ti La Union Skills Olympics sadiay Don Pacoy Ortega Gym, Catbangen, San Fernando. Pammadayaw 2017 no Marso 1 sadiay Diego Silang Hall, Provincial Capitol.
Iti maika-2 ti Marso, mangrugi ti selebrasyon babaen ti Anniversary Ecumenical Thanksgiving Prayer 2017, 8am, sadiay Provincial Capitol grounds. Sarunuen daytoy ti simultaneous anniversary flag raising program ken thanksgiving breakfast and fellowship. Iti rabii ti Search for Mutia ti La Union 2017 sadiay city auditorium ti San Fernando.
Marso 3 ti awarding ceremony ti Agri-tourism Fair 2017.
Mapasamak ti La Union Botanical Garden Founding Anniversary sadiay San Fernando ken Eco-trail Adventure Race a mangrugi sadiay Bacnotan no Marso 4.
Kabayatanna, ti Sillag Festival of Lights ket mapasamak manipud Abril 7 inggana 9 sadiay Poro, siudad ti San Fernando. MPA / ABN