184K SANGKABBALAYAN ITI ILOCOS REGION NATUKOY KAS MARIGRIGAT

ILOCOS, REGION

Iti Department of Social Welfare and Development (DSWD), babaen iti “Listahanan 3” database
daytoy, ket nangirekord iti 184,716 marigrigat a sangkabbalayan ti Rehion ti Ilocos agingga 2022.
Bayat iti Ilocos Regional Development Council Meeting idi Marso 22, imbaga ni DSWD Ilocos assistant regional director Anniely Ferrer, nga iti bilang ket katupag ti nasurok maysa a milion a tao.

Imbagana nga kadagiti uppat a probinsia iti rehion, ti Pangasinan iti addaan ti kangatuan a kadakkel ti marigrigat nga addaan 155,529 sangkabbalayan; sinaruno ti Ilocos Sur nga addaan 14,361 a sangkabbalayan; Ilocos Norte nga addaan 10,208; ken La Union nga addaan iti 4,618. Ti Pangasinan iti adaan kangatuan a sukat ti daga ken populasion kadagiti probinsia ti rehion ti Ilocos.

Imbaga ni Ferrer a kadagiti poor basic sectors ket ubbing, agtutubo, babbai, nataengan a tattao, mannalon, mangngalap, tattao nga addaan depekto, dagiti migrante a trabahador, napanglaw iti siudad, napanglaw iti away, dagiti trabahador iti pormal a sektor, ken agtrabtrabaho a bukbukodna ken dagiti di masueldoan a kameng ti pamilia.

Imbagana nga iti Listahanan 3 database ket maaramat iti panangilasin kadagiti posible a benepisario para kadagiti programa ken serbisio a proteksion ti kagimongan, kas maysa a mekanismo para iti panangipaneknek ti datos iti kinakurapay a pinataud ti dadduma a gubuayan, ken kas pagtaudan kadagiti datos ken kadagiti reperensia para kadagiti panagsukisok ken panagadal.

Kabayatanna, nailasin ti DSWD iti agarup 56,750 napanglaw a sangkabbalayan kas posible a benepisario iti Pantawid Pamilya Pilipino Program (4Ps) para daytoy a tawen iti rehion ti Ilocos
manipud iti Listahanan 3 database. Iti nabiit pay nga interbiu, imbaga ni 4Ps information officer Jaesem Ryan Gaces ti DSWD Ilocos regional office nga iti bilang ket maysa a puntiria nga inted ti 4Ps National Program Management Office (NPMO) tapno maragpat iti 4.4 million national target.

Ti dagup a bilang, imbagana a 48,728 ket manipud Pangasinan; 4,031 manipud Ilocos Sur; 3,230 manipud Ilocos Norte; ken 761 manipud La Union. “These are from the Listahanan 3 Database as a
new set of potential 4Ps beneficiaries. These poor households with children below 18 years old or with a pregnant member at the time of assessment were identified based on the DSWD’s
standardized targeting system (STS) as stipulated in the Republic Act No. 11310 or 4Ps Act,” innayonna.

(HA-PNA Ilocos/PMCJr.-ABN)

TURN OVER

Amianan Balita Ngayon