SAN FERNANDO CITY, LA UNION – Dalawang Aprikanong estyudante ang nahuli sa isang buy-bust operation na ginanap noong tanghali ng May 23, 2018, Miyerkules, sa Barangay Cabaroan, lungsod na ito.
Kinilala ang mga suspek na sila Mohamed Ahmed (26) na taga-Sudan at si Mahamat Abdallah (26) na taga-Chad Republic.
Nakumpiska sa dalawa ang tatlong pakete ng marijuana at buy-bust money na nagkakahalaga ng mahigit P4,000.
Nakapiit ngayon si Ahmed at Abdallah sa opisina ng Philippine Drug Enforcement Agency-Region 1.
Kakasuhan ang dalawang dayuhan dahil sa paglabag sa Comprehensive on Dangerous Drug Act. Nakikipag-ugnayan naman ang San Fernando Police Station sa Bureau of Immigration para sa iba pang impormasyon sa mga nahuling Aprikano. CHRISTIAN JASTINE V. MENDOZA, UC Intern
May 25, 2018