68 baril, isinuko sa pangangalaga ng Abra PNP

LUNGSOD NG BAGUIO – May kabuuang 68 baril ang ipinasa sa pangangalaga ng mga awtoridad sa Abra sa buwan ng Enero ayon sa isang opisyal ng police.
Sinabi ni Chief Supt. Rolando Nana, director ng Police Regional Office Cordillera (PROCOR), na tumanggap ang Abra police ng 42 baril mula sa mga registered gun owners kaugnay ng panahon ng halalan habang 26 ang isinukong loose firearms.
“This is a manifestation that the people in Abra wants a change on how other people perceive the province especially during elections,” ani Nana.
Minomonitor ng police at military ang mga insidente sa Abra sa panahon ng eleksiyon dahil sa kasaysayan ng karahasan sa politika.
Sa naunang panayam ay sinabi ni Nana na ina-assess nila ang sitwasyon sa Abra at idedeklara nila ang probinsiya na sasailalim sa kontrol ng Commission on Elections kung kinakailangan.
Sinabi ni Nana na upang maiwasan ang karahasan na may kaugnayan sa halalan sa probinsiya ay muling ikinokonsidera ng Philippine NationalPolice ang konsepto ng Conflict Mediation Diffusion (CMD) strategy na unang ipinatupad noong 2010 elections.
Ang CMD na nilikha at ipinatupad ni dating regional director Chief Supt. Benjamin Magalong ay nagdala sa kauna-unahang walang naitalang ulat ng political killing sa Abra makalipas ang ilang dekada.
Sa CMD, ang mga kandidato o mga partido ay mailalabas at maiihinga ang personal gayundin ang mga isyung pulitikal laban sa kanilang katunggali sa isang pagpupulong.
“This strategy was proven successful in the past elections so we are looking on launching this again,” pahayag ni Nana.
Samantala, noong Enero 29 ay isinuko ni Tineg Vice Mayor Edwin Crisologo para sa safekeeping ang isang garand rifle, isang M16, carbine rifle, isang homemade 12 gauge shotgun at isang caliber 38 revolver kay Nana na bumisita sa probinsiya para sa inspeksiyon ng mga baril.
Personal na iniabot ni Crisologo sa regional director ng Cordillera PNP.
Ayon kay Nana, ang boluntaryong pagsuko ng mga loose firearms ay resulta ng kampanya ng PROCOR para sa peacekeeping programs, lalong-lalo na ngayong panahon ng halalan.
Ayon kay Crisologo, ginawa niya ito para ipakita sa pulisya ang kanyang suporta sa isinusulong na katahimikan, malinis at mapayapang eleksyon na darating. Hinikayat din nito ang kanyang mga kasamahan sa pulitika na makiisa sa pamahalaan, para na rin sa ikakaunlad ng lalawigan.
L.AGOOT,Z.COMANDA/ PMCJ/ABN

Amianan Balita Ngayon