81.03% barangays ti Pangasinan drug-cleared – PDEA

October 14, 2019 Provincial

LINGAYEN, Pangasinan – Iti report ti Philippine Drug Enforcement Agency (PDEA), nasurok a 80 porsiento kadagiti barangay ti Pangasinan iti drug-cleared itan. Kinuna ni Agent Dexter Asayco, PDEA provincial chief nga iti kabuklan 1,271 barangay nga apektado iti droga sadiay probinsia, 1030 wenno 81.03 porsiento iti drug-cleared itan.

Kuna ni Asayco nga uppat pay a barangay iti nainayon kadagiti drug-cleared a barangay para iti maikatlo a kakapat iti tawen. Dagitoy iti Maya sadiay ili ti Infanta; San Andres ken San Aurelio sadiay Balungao nga winayaan iti Regional Oversight Committee ken San Jose sadiay San Nicolas nga winayaan iti National Adjudication Board.

Agtultuloy pay iti balidasionmi ket 12 a munisipio iti naindorsi iti Regional Oversight Committee tapnu agbalin a drug-cleared ngem kasapulan nga mangidatag ti baro a documentary requirements and evidences,” kuna ni Asayco bayat iti Joint Meeting iti Provincial Peace and Order Council (PADAC) ken Provincial Anti-Drug Abuse Council (PADAC) nga napasamak sadiay Lingayen.

Mairekondar iti Dagupan City ken San Quintin apaman a makumpletoda iti dokumentasion, innayonna pay. Inulit-ulit ni Asayco nga bukod laeng nga iti National Adjudication Board ken saan nga iti Regional Adjudication Board iti mabalin nga mangikkat iti maysa a government unit iti tiempo nga agbalin daytoy a paset iti Inter-Agency Drug Information Database (IDID).

Sakbay daytoy ket indeklara ti PDEA iti 31 nga ili ken maysa a siudad a kas drug cleared.

Dagitoy iti Alaminos City and the towns of Agno, Aguilar, Anda, Alcala, Binalonan, Bugallon, Burgos, Dasol, Laoac, Mabini, Malasiqui, Mapandan, Natividad, San Jacinto, San Nicolas, Sta. Maria, Sison, Lingayen, Bayambang, Mangatarem, Bautista, Rosales, Labrador, Calasiao, Villasis, San Manuel, Sta. Barbara, Mangaldan, Urbiztondo ken Tayug.

Kabaruan a nainayon iti Basista. Iti munisipio ti Sto Tomas ket kakaisuna nga drug-free nga ili sipud nangrugi iti kampania.

AMB/VHS/PIA Pang/PMCJr.-ABN