Adoption ng online system, hiniling

July 23, 2018 Metro BLISTT

Pinirmahan ni Mayor Mauricio Domogan ang isang city council resolution na humihiling sa Baguio City Police Office, City Health Service Office, at ng City Mayor’s Office-Public Employment Services Office na mag-adopt ng one-stop application center at online application at scheduling system sa application, verification at approval ng police clearance, health clearance/certificate at working permit ng pamahalaang lungsod.
Ang panukalang batas ay nagbibigay pahintulot sa city mayor na pumasok sa isang experimental period na 180 araw sa mungkahing sistema kasama ang isang maasahan na system developer/service provider para sa pagbuo nito.
Nakasaad sa Resolution No. 209, series of 2018, na ang implementasyon ng online application at scheduling system at pagtatag ng one-stop application center ay bagong paraan upang mapaikli ang panahon sa pagkuha ng mga nasabing permits at clearances.
“It is an alternative way to speed up the process and procedures on application, verification and approval of said papers toward comprehensive, fast and accurate service, thus, meeting the needs of the public,” dagdag sa panukala.
Sa online application at scheduling system, ang mga aplikante ang maaaring mag-fill up ng mga form sa pamamagitan ng internet o online na mas mabilis at mas maginhawang paraan.
Inihayag sa resolusyon na ang sistema ay ipinapatupad na ng Department of Foreign Affairs, Bureau of Internal Revenue, Bureau of Customs at iba pang allied government agencies. G.KEITH / ABN