AMIANAN POLICE PATROL

September 30, 2023 Provincial

39 wanted person arestado sa Cordillera

CAMP DANGWA, Benguet

Tatlungpu’t siyam wanted personalities, kabilang ang pitong indibidwal na nakalista bilang Most Wanted Persons (MWP) ang naaresto, habang 54 na munisipalidad sa rehiyon ang nagtala ng zero crime incident mula Setyembre 17 hanggang 23. Batay sa mga datos mula sa Regional Investigation and Detective Management Division, naitala ng Benguet Police Provincial Office ang pinakamataas na bilang ng mga naaresto, na may 12 wanted person arestado, sinundan ng Baguio City Police Office na may siyam na arestado;Ifugao PPO na may anim na arestado;Apayao PPO na may limang arestado;Abra PPO at Kalinga PPO na may tig-tatlong arestado at isang arestado ng Mt. Province PPO.

Sa pitong indibidwal na nakalista bilang MWP, anim ang most wanted na personalidad sa antas ng munisipyo, at isa sa antas ng probinsiya. Samantala, dahil sa pinaigting na presensya ng mga pulis,
54 na munisipalidad sa iba’t ibang lalawigan ng rehiyon at isang istasyon ng pulisya sa Baguio City ang nananatiling mapayapa, dahil ang PRO Cordillera ay nagtala ng zero na insidente ng krimen sa mga lugar na ito sa parehong linggo.

Zero crime incidents ang naitala sa 22 sa 27 munisipalidad sa Abra; pito sa 13 munisipalidad sa Benguet; pito sa labingisang munisipalidad sa Ifugao; lima sa pitong munisipalidad sa Apayao;tatlo sa pitong munisipalidad sa Kalinga, at sampung munisipalidad sa Mt. Province. Dagdag pa, ang police station ng Marcos Highway PS10 ay nagtala rin ng zero crime incidents sa 10 police stations sa Baguio City.

TFP/ABN

P14.7-M marijuana, shabu na nasabat sa Cordillera

LA TRINIDAD, Benguet

Nasa P14 754,884 halaga ng marijuana na shabu ang nasabat sa magkahiwalay na anti-illegal drugs operations sa Cordillera noong Setyembre 17-23. Pinangunahan din ng mga operasyon ang pag-aresto sa apat na drug personalities. Ang mga ulat mula sa Police Regional OfficeCordillera ay nagsabi sa mga operasyon ng pagtanggal ng marijuana, may kabuuang 14 na clandestine na plantasyon ng marijuana na may kabuuang 72, 765 Fully Grown Marijuana at isang pangkalahatang Standard na Presyo ng Gamot na P14,533,000.00 ang natuklasan sa mga lalawigan ng Benguet, Kalinga , at Mt. Province.

Ang lahat ng ito ay sinunog ng mga operatiba pagkatapos ng dokumentasyon, at ang mga follow-up na operasyon ay isinasagawa upang matukoy ang mga posibleng nagtatanim ng marijuana.
Arestado naman ang apat na drug personalities matapos makuhanan ng kabuuang 9.14 gramo ng shabu at 1,387.70 gramo ng Dried Marijuana leaves at fruiting tops, na may kabuuang SDP na P201,884.00. Ibinunyag sa parehong ulat na tatlong pag-aresto ang ginawa ng Kalinga Police
Provincial Office, at isang pagaresto ang ginawa ng mga operatiba ng Regional Drugs Enforcement Unit.

TFP/ABN