BRP EMILIO JACINTO NAIBAON PARA ITI PANAGPATROLIA TI BAYBAY TI AMIANAN A LUZON

March 16, 2024 Headlines

SIUDAD TI SAN FERNANDO, La Union – Imbaon iti Philippine Navy ti BRP Emilio Jacinto (PS35) tapno matalged ti territorial waters iti paset ti amianan a Luzon. Maysa a naindaklan a seremonia a kas panang-abrasa iti isasangpet ti warship a naisayangkat idi Marso 5. Iti isasangpet ti nakuna a warship ket indanguluan ni Naval Forces Northern Luzon commander Commo. Francisco G. Tagamolila, Jr. ken Northern Luzon Command (Nolcom) deputy commander Commo. Karl A. Decapia. Imbaga ni Tagamolila Jr. nga iti isasangpet ti barko ket panggepna met a mangited ti maysa a mensahe nga ti navy ket nakapokus ita iti seguridad ti baybay ken depensa iti teritorio.

“The ability of this ship in protecting our sovereignty is good because it can detect vessels over a large distance,” kinuna ni Tagamolina, Jr. Ti BRP Emilio Jacinto ket addaan iti 60-man crew ken daytoy ti kangrunaan a barko ti
Jacinto-class patrol ships a ginatang ti Pilipinas idi 1997 kasaruno iti pannakaipaima ti administrasion ti Hongkong iti China. “The ship and its crew shall undergo a briefing on the peculiarities [of our area] then it will perform its first mission,” imbaga ni Tagamolila Jr. Iti kabiitan a mision ti barko sakbay a naibaon daytoy iti amianan a Luzon ket idiay West Philippine Sea iti Palawan.

Maysa kadagiti naisangsangayan a kabiitan a mission ti barko ket ti pangideliver kadagiti relief good para kadagiti pasiente ti COVID-19 idiay Turtle Islands ken ili ti Mapun sadiay Tawi-Tawi bayat ti umuna a paset ti pandemia idi
Abril 2020. Naarmasan ti barko iti maysa kadagiti kaadelantaduan a sistema ti Philippine Navy, a maipas-pasidong iti weapons, navigation, ken combat systems upgrade idi Agosto 2019. “In 2019, it underwent combat, navigation, and weapons system maintenance and it was completed in 2020. The ship returned to the Naval Forces Western Mindanao [after that], then to the Naval Forces West before being sent here,” kinuna ni Tagamolila, Jr.

Iti maintenance work ken dakkel a pannakatarimaan ket naaramid iti barko ti kabiitan, mangipasigurado ti kinasagana ti barko ken crew daytoy para ti seguridad, logistics, ken maritime operations. Ti BRP Emilio Jacinto ken
umuna a nakomision kas HMS Peacock iti sidong ti Royal Navy idi 198 ken nakomision iti Philippine Navy idi 1997.

(CCMT-PIA La Union/PMCJr.- ABN)