COLD STORAGE FACILITY TI ILOCOS NORTE KISSAYANNA ITI POST-HARVEST A LUGI

August 5, 2023 Headlines

SAN JUAQUIN, Sarrat, Ilocos Norte

Namnamaen dagiti mannalon ti probinsia ti Ilocos Norte iti operasion ti maysa a tomato cold storage facility a tumulong a kissayan iti lugida kalpasan-ti-panagapit gapu iti pannakadadael.
Pinondoan iti World Bank nga aggatad PhP38 million iti sidong ti Philippine Rural Development Project (PRDP) ti Department of Agriculture (DA), iti pasilidad nga iturayan ti San Joaquin Multi-purpose Cooperative ket maibangon idiay Barangay 1 San Joaquin iti likudan ti Sarrat gasoline station.

Apaman a malpas, imbaga ni Lucresia Ver, vice chair ti San Joaquin Multi-purpose Cooperative iti maysa nga interbiu idi napalabas a Huebes nga mabenepisioan ti pasilidad dagiti lokal nga agmulmula ti kamatis. No awan iti maysa a storage facility, agarup 25 porsiento ti produksion iti
kamatisda ti masayang laeng. “Maibangon iti pasilidad iti maysa nga ektaria a daga nga adda uppat a kuartona,” kunana, ken imbagana pay nga daytoy iti kaunaan pay laeng a tomato cold storage facility a maibangon iti probinsia.

Panggep a makompleto iti proyekto iti las-ud ti makatawen sarunoen ti ground-breaking ceremony idi napalabas a Mierkoles. Ti kamatis ket maysa kadagiti high-value crops ti Ilocos Norte nga addaan sisasagana a merkado ngem gapu iti pannakaiserra iti Northern Foods Corporation (NFC) nga adda iti produksion iti tomato paste ti Amianan a Luzon, adu nga contract grower iti nagmula kadagiti sabali a mulmula. Sigud nga agsup-suplay iti Rehion iti agarup 13 porsiento ti 30,000 metric tons a tinawen a konsumo iti tomato paste ti pagilian.

Agarup 3,000 agmulmula ti kamatis iti immakar kadagiti sabali nga high-value crops kalpasan iti panagserra. Inmando ni dati a Presidente Rodrigo Roa Duterte iti pannakaisarra ti NFC gapu ta
saanen ng aagkurri iti panggep daytoy a katunos iti national development policy, a nangted gundaway a maisapribado iti kompania. Ngem iti gobierno ti Ilocos Norte, iti pannakitinnulong iti
DA, ket umaw-awag kadagiti investor a biagen manen iti tomato processing plant iti sidong iti baro a mangimaton.

Maawis dagiti mannalon ti palay ditoy a bumaw-ing kadagiti high-value crops kas iti kamatis bayat nga itultuloy iti gobierno a tulonganda babaen iti panangted kadagiti agduduma a mausar iti
agrikultura, ken panangproseso, ken market matching iti produktoda.

(LA-PNA Ilocos/PMCJr.-ABN)