College scholarship forum naangay idiay LU

April 6, 2019 Headlines

BACNOTAN, La Union – Tapnu pammaregta kadagiti eskolar ti kolehio nga lumaing da pay iti panagadalda, maysa nga pagtataripnong wenno forum ti naangay sadiay Ortega Memorial Center ti Don Mariano Marcos Memorial State University (DMMMSU) campus ditoy.
Buklen iti 1,694 eskolars manipud amin nga pagadalan ti DMMMSU iti nakipaset ti orientation forum. Tunggal escolar, naparaburan iti Tertiary Education Subsidy (TES) program ni Presidente Rodrigo Roa Duterte ket umaw-awat ti PhP20,000 kada semester.
Bayat ti nasao nga forum, inlawlawag ni Unified Student Financial Assistance System for Tertiary Education (UNIFAST) Region 1 coordinator Alexis Moira Q. Dolores ti dagiti pagannurotan ti progarama a TES.
Inpakaammo ni Dolores nga iti panagaplay ti TES program ket kasapulan iti uppat nga proseso: umuna, iti state university iti nasken nga agaplay; maikadua, ti state university wenno pagadalan
nga nagaplay iti scholarship ket nasken nga iyakarna dagiti listaan ti aplikante idiay CHED; maikatlo, tingitingen ti CHED dagiti aplikante nu naragpatda dagiti kalikaguman; ken maikapat, ipakaammo ti CHED kadagiti aplikante maipapan iti opisial nga listaan dagiti grantees nga nasken mailista iti “Listahanan”.
“Nasken nga agbalinkayo nga naimut ken iturongyo ti atensionyo iti bagbagiyo; agbalin kayo nga naagum iti nasayaat ng grado ken nagubsang nga mangkedked iti sulidog; saan nga masapol nga makaala ti kasayaatan ngem iti karit ket maipalpasyo amin nga asignatura tapnu makagun-od ti degree iti kolehio,” kunana.
Innayonna pay nga iti ultimo nga panggep ti programa nga TES ket mangted iti kanayonan nga allowance para kadagiti estudyante nga manipud kadagiti kapanglawan iti napanglaw nga pagtaengan.
Inranud ni Globe Telecom manager Mark Anthony, maysa kadigiti uppat nga ispiker, iti forum kadagiti grantees iti uppat nga makatulong a singasing tapnu makaurnong ti kuarta bayta panagadalda.
“Umuna, saggaysaenyo dagiti kita ken gastos; maikadua, busbosen ti basbassit ngem ti addaanka; maikatlo, nasken nga addaan ka iti pinansial a kalat; ken maikapat, iyugaliyo ti panagurnong,” kunana.
“Agbalinkay a managyaman, maaddaan ti pammati, mamati, ken agkararag kayo,” innayonna.
Kabayatanna, kinuna ni South Ilocandia College of Arts and Technology guidance facilitator Maria Cristina B. Rapanut kadagiti iskolar nga iti tulbek ti epektibo nga panagadal ket saan nga
parparawpaw ken panagapura ngem nasarsaririt nga panagadal.
Kinuna ni scholarship testing coordinator Rosalie N. Santi kadagiti eskolar nga iti kababalin ket baliwanna ti amin a banag.
“Tapnu agbalin nga kampeon masapul nga mamatika iti bukbukodmo nu awanen ti sabali nga mangaramid,” kuna ni Santi.
Iti programa a TES ni Presidente Duterte ket naibuangay iti sidong ti R.A. 1093, an act ofpromoting universal access to quality tertiary education by providing for free tuition and other school fees in state universities and colleges, local universities and colleges and state-run technical vocational institutions, establishing the tertiary education subsidy and student loan program, strengthening the unified student financial assistance system for tertiary education.
 
PIA-1/PMCJr./ABN