Dagupan, tinutugunan ang problema sa baha – mayor

September 19, 2018 Provincial

LUNGSOD NG DAGUPAN – Ipinaliwanag ni Mayor Belen Fernandez ang mga hakbang na isinasagawa ng gobyerno ng lungsod upang harapin ang mga baha sa nakalipas na limang taon.
Sa kaniyang State-of-the-City Address (SOCA) noong Setyembre 10, sinabi ni Fernandez na nakikipagtulungan siya sa national government agencies na may kakayahan, data at mga rekomendasyon.
Ayon sa mayor, ipinaalam sa kaniya ni 4th District Rep. Christopher de Venecia na inaprubahan ni Public Works Secretary Mark Villar ang kaniyang hiling ng karagdagang river dikes, flood gates, pumping stations, at road elevation.
Aniya na ang backfilling ng mga fishponds kung saan itatayo ang bagong city hall ay hindi makatutulong ng pagbagal ng daloy ng baha sa ilog.
Hinamon ni Fernandez ang mga nagsasabi nito na maghukay sa lugar para patunayan kung ano ang sinasabi niya.
“They are putting the blame on me,” daing ng mayor, na nagsasabing hindi makatarungan na ang problema ng baha sa lungsod, lalo na ang sunod-sunod na insidente ng pagbaha noong Hulyo at Agosto, ay isinisisi sa kaniya.
“When did we start solving the problem? Not today, not yesterday, but four to five years ago,” aniya.
Sinabi pa ni Fernandez na ang iba pang mga panukala ay ginagawa ng pamahalaang lungsod upang malutas ang pagbaha, tulad ng paglilinis ng ilog, kasama na ang pag-alis ng mga fish pens na pumipigil sa daloy ng tubig, pagtatayo ng mga dike sa mga ilog, at ang elevation ng barangay at sitio kalsada.
Ang paghuhukay sa Pantal River, aniya, ay patuloy habang ang dami ng silt na nakukuha ay malaki.
“The estimated volume of silt is 2 million cubic meters. What has been removed is just about 500,000 cubic meters. The problem is, silt from the upland continues to flow to our rivers,” aniya.
Sinabi ni Fernandez na siya ay “nasa ibabaw ng sitwasyon” noong kamakailan lamang na pagbaha, at sinabing binisita niya ang mga barangays upang malaman kung saan nanggagaling ang mga baha at upang tignan ang mga posibleng mga solusyon.
Ang mga lubos na apektadong barangays ay ang Lasip Grande, Bacayao Sur, Bacayao Norte, at kalapit na mga barangay.
Ayon sa mayor, ang tubig ay nagmumula sa Sinocalan River o Marusay River sa Calasiao. L.YPARRAGUIRRE, PNA / ABN