DOLE, DTI nagkuyog iti panagmonitor kadagiti establisimiento ti Rehion 1

June 20, 2020 Headlines

SIUDADTI SAN FERNANDO – Nagkuyog iti regional offices ti Department of Labor and Employment (DOLE) ken ti Department of Trade and Industry (DTI) iti Rehion ti Ilocos tapno imonitor dagiti establisimiento iti in-inut a panagsubli iti negosio.
Idi Hunio 10, insayangkat ti pinagkuyog nga inspection teams manipud iti dua a departamento iti monitoring activity iti maysa a mall ditoy a siudad. Indanguluan daytoy da DTI-1 Regional Director Grace Falgui-Baluyan, DTI La Union Provincial Director Merlie Membrere, ken DOLE-1 Assistant Regional Director Honorina Baga.
Kinuna ni Nathaniel V. Lacambra, DOLE-1 regional director nga iti aktibidad ket
maiyannurot iti DOLE-DTI Interim Guidelines nga pinirmaan da Labor Secretary Silvestre H. Bello III ken Trade Secretary Ramon M. Lopez idi Abril 30, 2020.
Ispesipiko a kinuna ni Lacambra nga panggep iti monitoring nga ipasigurado nga iti minimum health protocols ket nainget a maipatungpal ken magun-od gapu ta dadduma a pasdek ket saan nga mapalubusan nga agoperate iti tengnga ti coronavirus disease 2019 (COVID-19) a pandemia.
Inyunay-unayna nga dagiti pagunnurutan ket sakop na amin a lugar ti trabaho, employers ken trabahador iti pribado a sektor.
“We want to emphasize that the prevention and control of COVID-19 is a shared responsibility of employers and workers,” kuna ni Lacambra.
Iti biang ti DTI, impaganetget ni Baluyan nga nasken a suruten dagiti mall goers ken consumers iti protocols nga ipatpatungpal dagiti pasdek para iti kinatalged ken proteksion ti sarilida.
“While more businesses are allowed to operate, the public is advised to remain cautious to avoid the spread of the virus,” kuna iti regional director.
Naipakita dagiti resulta iti joint monitoring activity iti compliance, inadequate compliance, ken non-compliance to prescribed safety and health protocols iti dadduma a pasdek.
Iti sapasap, iti compliance ket karaman iti panagsuot ti face masks, checking iti body temperature, panag-spray iti alcohol wenno panagusar iti hand sanitizers, ken panagaramat iti footbath para kadagit trabahador ken customers sadiay mall entrance, ken dadduma pay.
Para iti inadequate compliance ken non-compliances, nangipaay dagiti inspection teams para kadagiti namonitor a paspasdek iti ispesipiko a istratehia ken rekomendasion.
Natarabayan met dagiti employers panggep iti DOLE-DTI Interim Guidelines iti kontra-COVID nga addangda.
Kabayatanna, nangiyulog iti Regional Inter-Agency Task Force for the Management of Emerging Infectious Diseases ken Regional Task Force-1 COVID-19 idi Hunio 1 iti maysa a joint resolution nga mangadaptar iti nasao a pagannurutan ken dadduma pay a bilin nga adda panakainaigna iti negosio a mapalubusan nga ag-operate iti napili a lug-lugar.
JND-PIA LU/PMCJr.-ABN