DRUG-CLEARED A BARANGAY TI ILOCOS SUR NGIMMATO ITI 465-PDEA

ILOCOS SUR

Iti bilang dagiti nawaya-wayaan iti droga a barangay iti Ilocos Sur ket ngimmato iti 465, segun iti Philippine Drug Enforcement Agency (PDEA). Iti maysa nga interbiu kenni PDEA Provincial Officer Anabel Cabarles idi Martes (Pebrero 22), imbagana nga iti PDEA ken police ket nawaya-wayaanda iti 37 barangay idi 2022, 35 idi 2021, ken pito idi 2020 iti laksid dagiti karit nga inyeg iti pandemia ti COVID-19.

Innayon ni Cabarles nga iti Ilocos Sur ket addaan pay laeng sumagmamano a 166 nabatbati a barangay nga apektado iti droga ken kanayon a sipsiputan ken imentenar iti estado dagiti 137 nga apektado ti droga a barangay. Idi 2022 laeng, agdagup iti 44 drug suspects iti natiliw kabayatan iti naisayangkat a 33 buy-bust operations. Iti daytoy a bilang, walo iti high-value drug suspects.
Babaen iti naparegta a kamapania kontra kadagiti illegal a droga, iti nabiit pay, inaresto iti PDEA ken PNP ni Mario Atalin, 56, maysa nga high-value illegal drug personality ditoy.

Imbaga dagiti autoridad nga natiliw iti suspek iti aramid a panaglako iti dua a bassit nga heat-sealed transparent plastic sachets a naglaon iti puraw a kristal a substansia wenno “shabu” iti operatiba ti PNP a nagpammarang a kas gumatang. Narekober manipud iti ikutna iti walo nga agduduma sukatna nga heat-sealed transparent plastic sachets a naglaon iti methamphetamine
hydrochloride lokal a pagaammo a kas shabu nga agdagsen iti nasurok wenno basbassit lima a
gramo nga addaan mapattapatta a Standard Drug Price nga PhP34,000.

Kabayatanna, dinayaw ni Police Brigadier General John Chua, PRO 1 Regional Director, dagiti operatiba iti maysa manen a naballigi nga anti-illegal operation ken impingetna iti panangipaganetget ti PRO 1 iti kampania daytoy kontra illegal a droga. “Police Regional Office 1
maximizes its drug clearing operations and focused police operations to block the sources and demands of illegal drugs. This is aimed at attaining a drug free Ilocos Region that will surely transpire into sustainability and progress,” kunana.

(JMCQ, PIA Ilocos Sur/PMCJr.- ABN)

Amianan Balita Ngayon