Duterte, magpapabaril! Susmaryusep!

October 9, 2017 Daplis Walang Mintis Opinion

Mga sasantos at sasantas, gisingin ninyo kami baka kami ay binabangungot na!  OMG!!! Ang isang pangulo, Duterte y Digong, magpapabaril? Sinong babaril at bakit? Saan at papaano? Susmaryusep na may rayuma! Fake news ba ire o blog lang ni Mocha? Di kaya ito ay panaginip naman ni Trillanes?  Mga panis na tsismis!  Mismong si Digong ang nagsabi niyan! Oh, my God! Por bida gid! Nasabi yan ni Digong, ang atapang na pangulo? Yap!  Saan? Huwag masyadong apurado. Isa-isahin natin ang mga nakakakiliting eksena.

******

Kamakailan muling dumalaw (pang-anim na) si Pangulong Digong sa Marawi upang bisitahin ang mga Bakwit lalo pa’t binuksan na ang kanilang pansamantalang  tirahan habang narerehab ang lugar. Siyempre may konting mensahe naman siyang ibinulaga muli. At talagang maanghang ang kanyang timpla sa eksenang yun. Nasa Marawi na nga siya pero ang upak ay sa mga kritiko pa rin niya lalo na kay (pogi raw sabi ni Mocha Uson) Sen. Trillanes.  (Charing hane). Teka, sa upak muna tayo. Ano bang say? Ito nga, dahil nga sa talaktalak ni poging senador (daw) na mga bank account ni Duterte na sabi naman ng huli na sablay, umanghang (at inaasahan naman) uli ang dila ng pangulo. Naghamon na! Naluma ang hamon sa tuwing Christmas season.  Magpapabaril daw siya kung mapapatunayang meron siyang P40million bank deposit.   Maryunes!  Ibig niyang sabyan: walang katotohanan ang mga bintang na meron siyang limpak-limpak na milyones sa kanyang mga bank account kasama ang pamilya. E, sino bang nagbibintang? E, di si  pogi (ayon kay C).  Hayy naku, ang sarap manakal, hane? Yun bang habang sinasakal mo ay kinakantahan mo ng suabeng himig ng Ave Maria yung version ni Yoyoy Villami.

******

Balikan natin ang eksena ni Sir President. Kamakailan kasi, may upak na naman si Trillanes na gumastos daw ng malaki ang kampo-Digong upang mapasakamay nila ang isang report hinggil sa mga bank account naman ni Trillanes.  Yun pala, ayon sa senador ay mga pekeng report. Pero teka, maalaala ba ninyo na minsan ay nasabi ni Digong na gawa-gawa lang niya ang bank deposit ni senador upang mapainan at mahuli ito?  So, kanya-kanyang painan na yata, mga pards. Ang pinakahuli, sabi ng kampo-Digong na walang dokumentong isinusumite ang AMLC (daw) sa Ombudsman hinggil sa mga bank account o deposits ni Duterte. In short ulit, hilong- talilong na ang mga kababayan nating sumusunod sa naturang hinahalukay na isyu. Pirmahan sa waiver ang kantiyawan ng dalawa (Duterte at Trillanes). Pero nabaling ulit sa bagong kontrobersiya. Kamakailan, sinabi ni Digong na may kabit o babae raw si Trillanes sa AMLC – Anti-Money Laundering Council.   Ang kabit daw ay mataas na opisyal ng AMLC. Naku po!  Ano ba ire? E, anong say ni Trillanes? Anofe.. di denied!  Wala raw katotohanan ang bintang. O, mga pards, gusto na ba ninyong manabunot o gusto na ninyong mangisay sa sobrang inis?

******

Sa mga nangyayari sa kasalukuyan sa pagitan nina Duterte at Trillanes at isama mo pa ang mga kaganapan sa Kongreso kung saan sala-salabat din ang hearings ng Senado at House sa mga sala-salabat ding mga kaso (in  aid daw sa legislation), saan kaya ang ating bansa? Kung baga sa isang tumatakbong bus, hindi kaya ito sesemplang sa bangin?  Pag nagkataon, lahat  tayo damay, di ba? O, sige, mainis na kayo. Tama lang na mainis tayo sapagkat sa bawat iringan ng ating iginagalang na mga opisyal, parang  kumikipot na ang highway ng ating pagtitimpi. Idalangin na lang natin na matauhan na sana sila at magkaisa. Tingnan sina Trillanes at Mocha Uson. Idinemanda ni Trillanes si Mocha sa kasong libelo, pero nang magkita sila, sus ginoo, nagselfie fa! Sweet  na raw sila.  Anak ng…us, anak ng…sige apo Digong,  ikaw na ang magtuloy sa inis namin!

******

Please share your experience with LOLO DORO “JIMMY LUZANO” AKA. MR. CARIÑOSO  as we celebrate 50 years in the industry. Send to 0928-506-5269. Thank you,   Adios mi amor, ciao, mabalos!