GLADYS VERGARA NANINDIGAN SA PAKIKIISA SA BAMARVEMPCO

April 5, 2025 Headlines

“Ang market ay turismo. Ang market ay pamana. Ito ang puso ng ating lokal na kultura at ang kaluluwa ng ating ekonomiya,” ito ang naging mensahe ni Congressional bet Gladys Vergara sa kanyang pagdalo sa 27th General Assembly ng Baguio Market Vendors Multi-Purpose Cooperative (BAMARVEMPCO). Si Vergara, kasama ang kandidatong City Councilor Glenn Gaerlan, ay humarap sa mga vendor at muling pinagtibay ang kanyang malalim na koneksyon sa komunidad ng pamilihan. “Kayo–ang aming market venders sa palengke– ang mga tagapangalaga ng aming pamana. Ating protektahan ito, palakasin, at sama-samang itayo ito– para sa ating sarili, para sa ating mga pamilya, at para sa mga susunod na henerasyon,” pahayag pa ni Vergra.

Aniya, bilang anak ni dating Congressman Bernardo Vergara (BMV), dating City Councilor at Vice Mayor, at Chairman ng Baguio Tourism
Council, ay binibigyan ng mahalagang papel ang mga market vendor sa pagpapanatili ng pamana, kultura, at lokal na ekonomiya ng Baguio. Ibinahagi din ni Vergara ang kanyang pananaw at mga plano sakaling mabigyan siya ng pagkakataong magsilbi bilang kinatawan ng kongreso ng Baguio, na tututukan niya ang mga pangangailangan para sa mga patakaran na nagpoprotekta at nagbibigay kapangyarihan sa mga nagtitinda sa merkado. Tiniyak niya sa kanila na habang malapit na ang halalan, matatag ang kanyang
dedikasyon sa kanilang layunin. Ang kanyang talumpati ay umalingawngaw nang malalim sa madla, na nagpatibay sa kahalagahan ng pagkakaisa, pangangalaga sa pamana, at pagpapalakas ng ekonomiya para sa komunidad ng merkado ng Baguio.

ZC/ABN