GO..GO..PINOY…!

December 7, 2019 Sirmata ken Tagtagainep ni Mang Gusting

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…?

Kumusta metten ti biag tayo kailian…Sapay ka koma ta napia kayo latta a kanayon..no dakami met ita, kaasi ti Apo ket saan kami a naan-anu, saan a kas iti dadduma a paset ti pagilian tayo a dinalapus dagiti nagsasaruno a da Tropical storm Ramon ken Sarah a nangdalapus iti pagilian sa simmaruno manen n Tisoy..saanda pay laeng a nakalunglung-aw it layos, adda manen…kapampanaw pay laeng dagiti dua simmaruno manen ni Tisoy….Nakaro a panaglayos nangruna iti probinsia ti Cagayan…a no sadino ket nadadael dagiti mulada mulada a mais ken dadduma pay nga agricultural crops.. Ngem ala…sapay la koma ta iti ipapanawen dagidiay a bagyo ket awan metten ti sumaruno pay…no labsem ti agsao, nakaron a didigra ti nagpasaran tayo.

Ngem, nupay kasta, awan mabalin tayota ditay met mabalin a lapdan dagitoy a natural calamity..awan pinnabasol ta no panunoten adda amin kontribusion tayo iti global warming nga agtungpal iti climate change. Ti ketdi madlaw tayo ken mapaliiw tayo keta wan sa ti programa ti gobierno maipapan iti restoriation ti kinangayed ti nakaparsuaan..kas koma iti panagmula iti kayo.

Iti napalabas a kolum tayo nadakamat tayo ti maangay a SEA GAMES a no sadino ket binatikosda ti dakkel a nagastos para iti preparasion..batikos ditoy batikos idiay imbes koma nga aprisiarenda…ania la ketdin aya dagiti tattao a kayatda laeng ti maipadamag..makita ti pictureda ti TV…ti laeng makunami ket apal a dakes dayta..

Iti agdama, bayat a sursurantentayo daytoy a damag..ken kaudian a damag tayo..addan nasurok a sangagasut a mediala a naala dagiti atletang PINOY..segun iti naudi a tally a naala tayo nasurok singkwenta a gold, nasurok a kuarenta a silver ken bronze..unay daytan a dayaw ti pagilian nga impaay dagiti kadaraan tayo…dayta koma ti pampanunoten ita dagiti kontrabida este oposisyon …imbes koma a tulongan dagiti atleta..ken papintasen dagiti sports facilities wenno pacilidad dagiti agtleta tayo…ala….go..go..go Pinoy…

No apay a kasta ti tao…ti laeng biddut ti Makita ken madillaw tayo..ngem pulos a ditay dayawen dagiti kinaimbag a maaramidanna…managhusga tayo pay…banag a di rumbeng..imbes koma a dillawen tayo, tulongan tayo ketdi a maitag-ay…ta kasanu, adda tay makuna a crab mentality tayo..imbes a tulongan tayo tay kaduatayo a mangragpat iti arapapana, datayo pay no maminsan ti mangiguyod kenkuana nga agpababa..

Ala…awan sabali a maibati tayo para kadagiti atletang pinoy no saan a Good luck….sapay la koma ta maseguradon ti panag-number one ti pilipinas..ket iti sumaruno manen a sea games, isudanto koma manen ti ag-champion..ta no ibasar ita iti overall medal tally…adayon ti pagkamatan ti sumarsaruno a pagilian iti posision…dakkelen ti baetda iti bilang ti medalia a nagun-od dagiti atleta a Pinoy…ulitenmi, kailian…GOOD LUCK AND GO..GO..GO PINOY

Hay naku…dakesen…ala…kastan kabaranggayan, kailian ken kakayong..ta ne, dakesen…mapasungadak ni Sofing a naka nakaiggem iti binalsig..…nalipatak met nga agpayson tay pagatgatangna a manteka ken itlog….ala, Kakayong…kasta pay ta ne…naimasan tayo manen nalipatak metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh…