Ili ti Ilocos kumidkiddaw ti suporta ti NHCP para pannakaibangon ti historical marker

February 14, 2021 Headlines

SUYO, Ilocos Sur – Kidkiddawen dagiti lokal nga opisiales ti panangpondo manipud iti National Historical Commission of the Philippines (NHCP) para iti pannakaibangon ken instalasion ti maysa nga historical marker nu sadino nga winayaan dagiti soldado a Pilipino ken Americano ti ili manipud im-ima dagiti soldado nga Hapones idi Maikadua a Gubat Pangsalubungan.
Idi Biernes (Enero 5), indanguluan ni Suyo Mayor Mario B. Subagan dagiti sibibiag a beterano ken umili para iti pananglaglagip ti 76th Liberation Day of Suyo kadua ni Brig. Gen. Emmanuel Baloloy Peralta, ti kabbaro a natudingan nga Police Region 1 Director kas madaydayaw a sangaili ken ispiker.
“Every 5th day of February is a very significant day for us because this is the day when our forefathers have bravely fought and successfully took over the encampment of the Japanese soldiers at Sitio Tapao, Barangay Poblacion during the WW II,” kuna ni Subagan.
“We are seeking assistance from the NHCP for the recognition of the Sitio Tapao as a historical site, and for the installation of a landmark in honor to the WW II veterans, who fought for our freedom and liberty that we are all enjoying now,” kunana. Mayangkla iti tema a: “Sibibiag a Lagip – Napintas a Suyo”, iti 76th a tawen ti pananglaglagip iti Suyo Liberation Day ket naitampok ti panangidaton kadagiti balangat iti tanem dagiti natay a banuar idiay Sitio Tapao.
“This year, we simply celebrated the Suyo Liberation Day due to the effect of COVID – 19 pandemic,” innayonna. Iti mensahena, impaganetget ni Brig. Gen. Peralta iti kinapateg ti pananglaglagip kadagiti rigat, sakripisio, ken kinabanuar dagiti Pilipino a patriotiko idi WW II uray iti tiempo ita ti pandemia.
“As we fight and overcome this pandemic, let us highlight the sacrifices of our ancestors and take this opportunity to demonstrate that we possess the same gallantry of spirit and nobility of character by simply becoming responsible and law-abiding citizens,” kuna ni Peralta. Kabayatanna, ti Suyo ket maysa a fourth-class municipality a buklen iti walo a barangay ken 45 sitio.
Iti ili ket maitutop a maawagan kas “watershed municipality” iti Ilocos Sur gapo ta daytoy ket maysa nga surong ti Chico River Watershed. Ti ili ket isu met iti pagserkan ti Besang Pass ken Sagada, Mountain Province. Addaan daytoy ti nadam-eg a daga ken paborable a kondision ti klima para iti produksion ti tabako, kape, cacao, saba, laya, kamote, tiger grass, ken exotic fruit trees ken natnateng.
FGL-PIA1/PMCJr.-ABN