INFLATION RATE TI ILOCOS REGION NABABBABA NGEM NATIONAL AVERAGE

March 23, 2024 Headlines

SAN FERNANDO CITY, La Union

Nangiposte ti Rehion ti Ilocos iti maysa a 2.0 inflation rate idi Pebrero 2024, maysa a bilang nga 6.3 percentage points a nababbaba ngem iti Pebrero 2023, daytoy ti impakita iti datos manipud Philipine Statistics Authority (PSA).
Iti inflation rate ti Pebrero 2024 para iti Ilocos Region ket nababbaba met ngem iti national average a 3.4 porsiento
para iti pareho a panawen. Impagapu ti PSA iti panagbaba iti bummasit nga indices iti dadduma a tagilako, karaman iti balay, danum, elektrisidad, gas, ken dadduma pay a gasoline, sangkamaysa a nagiposte iti maysa a negatibo 7.4 porsiento a panagngato para ti Pebrero 2024.

Imbaga ni PSA-Regional Statistics Services Office 1 (RSSO-1) officer-in-charge ken Supervising Statistical Specialist Teresa Olarte nga dadduma a tagilako a mangnayon iti nababa nga inflation rate para Pebrero 2024 ket ramanen iti information and communication nga addaan laeng iti 0.2 porsiento panagngato, recreation, sports ken culture nga addaan 0.4 porsiento, ken restaurants ken accommodation services nga addaan 0.9 porsiento. Nagtinnag met iti food index inflation rate ti rehion, manipud 10.9 porsiento idi Pebrero 2023 iti 7.1 porsiento laeng idi Pebrero 2024.

Dagiti taraon a mangnayon iti panagbaba ket karaman iti arina, tinapay, ken dadduma a produkto ti panaderia, pasta ken dadduma a cereal; ikan ken dadduma pay a taraon ti baybay; gatas, dadduma a produkto ti gatas, ken itlog; prutas ken nuez, amin dagitoy ket nangiposte iti nababbaba nga inflation rates idi Pebrero 2024 no idilig iti lebelda idi Pebrero 2023. Amin nga uppat a probinsia ti Region 1 ket nangiposte met iti nababbaba nga inflation rates no maidilig iti lebelda idi Pebrero 2023, pinauluan ti Ilocos Sur nga addaan negatibo 1.1 percent inflation rate growth manipud iti bilang nga 8.3 porsiento bayat ti isu met laeng a panawen idi napan a tawen.

Kabayatanna, nangiposte iti Pangasinan iti maysa a 2.4 percent inflation rate, bimmaba manipud iti bilang a 9.3
prosiento idi Pebrero 2023 bayat nga iti Ilocos Norte ket nangiposte ti agpada nga 2.4 inflation rate daytoy Pebrero a
nababbaba ngem iti 6.1 inflation rate ti probinsia idi Pebrero 2023. Bukelen iti uppat a probinsia iti La Union, nga
addaan iti 2.8 percent inflation rate idi Pebrero 2024, maysa a dakkel a nagbalbaliwan manipud iti 6.2 percent inflation rate nga naiposte ti probinsia idi Pebrero 2023.

Kinunani National Economic and Development Authority (NEDA) Chief Economic Development Specialist Ednore Freynon Perez nga iti inflation rate a 2.0 prosiento ti rehion idi Pebrero ket nagtinnag iti target range ti gobierno a dua agingga uppat a porsiento. “Yong levels natin manageable pa rin, within target pa rin tayo. Healthy pa rin po ang economy,” innayon ni Perez iti pagsasao a Tagalog.

(CCMT, PIA La Union/PMCJr.-ABN)