Insidente sa Panagbenga 2017, bumaba
LUNGSOD NG BAGUIO – Halos 85 porsyento ang ibinaba ng naitalang insidente sa kasagsagan ng pinakatampok na dalawang araw ng pagdiriwang ng Baguio Flower Festival 2017 kumpara noong nakaraang taon.
May naitalang apat na insidente sa grand street-dancing parade habang tatlo naman sa grand float parade.
Kumpara noong 2016, may naitalang 46 na insidente sa buong Baguio sa kasagsagan ng dalawang araw na pagdiriwang ng kapistahan.
Ang mga naitalang insidente ay kinabibilangan ng pickpocket, robbery, at physical injury.
“Ang isa pa sigurong nagpababa diyan, sa tingin ko yung sa Oplan Tokhang. Kasi karamihan sa sinasabing root cause ng lahat ng krimen ay droga. Masasabi ko rin talagang full force ang kapulisan, walang nag-off. Kahit yung iba nga na walang tasking, nasa office din. Ang alam ko talaga nakadeploy lahat,” ani Police Senior Inspector Laborah May Q. Nabunat, chief public information officer ng Baguio City Police Office (BCPO).
Dagdag niya pa, “Yung ginagawa talaga namin, constant reminding the public na always be mapagmatyag. Yun yung lagi naming sinasabi. Binibigyan namin ng crime prevention tips yung mga manonood. Kasi yun nga, hindi lang naman mga turista ang umaakyat, pati rin naman mandurukot nagsisi-akyatan din during Panagbenga.”
Tinatayang 2,000 na police staffs, officers at volunteers ang nakadeploy sa buong lungsod sa araw ng pagdiriwang noong Pebrero 25 at 26, 2017. Melanie Z. Dela Cruz, UB Intern
Snatcher, kinuyog ng mga tao
March 3, 2017
Panagbenga quiz bee winners
March 3, 2017