‘Ka Jose’ simmuko iti gobierno kalpasan ti kapadasanna iti NPA

June 28, 2020 Provincial

BACNOTAN , La Union – Maysa nga agtutubo a lalaki nga addaan alias a “Ka Jose” manipud daytoy nga ili iti simmuko kadagiti awtoridad idi aldaw panagkasangay iti national hero tayo, Dr. Jose Rizal idi Hunio 19 kalpasan iti kapadasanna iti New People’s Army (NPA).
Maigapu daytoy iti balligi a negosasion ti lokal a gobierno ti Bacnotan, 81st Infantry (SPARTAN) Battalion (IB), ken 2nd Civil Military Operations (CMO) Company kenni Ka Jose.
Sigun kenni Lt. Col. Rodrigo A. Marinas Jr., commanding officer ti 81st IB, boluntario a simmuko ni Ka Jose ken kayatnanh agsubli iti mainstream society ken ituloyna iti biag a sibilian.
“Labis ang kagalakan ng mga kasundaluhan ng 81IB at 2nd CMO Company dahil sa nadaragdagang bilang ng mga taong naliwanagan mula sa maling ideyolohiyang dulot ng makakaliwang grupo,” kuna ni Marinas.
Impakaammo iti commanding officer nga sakbay iti panagsukona, ni Ka Jose ket maysa nga opisial ti Anak Bayan-Ilocos ken Kabataan Party List – North Luzon. Maysa pay, kinuna na nga iti ubing a simmuko ket nagsapata met a kas miembro iti Kabataang Makabayan and Youth Underground Movement (UGM), partikularin iti White Area Committee. Adda met armado a kapadasanna iti NPA idiay Mt. Province ken Abra.
“Sa pamamagitan ng kanyang pagsuko, muling nabigyan ng pag-asa ang isang kabataang naligaw ng landas na naglakas-loob na kumalas at itakwil ang sinamahang organisasyon na may konektado sa armadong grupong teroristang NPA,” kuna ni Marinas.
Para iti biangna, nagkari ni Bacnotan Mayor Francisco Angelito L. Fontanilla nga tulunganna ni Ka Jose iti panagdaliasatna iti napabaro biag.
Pinadayawanna met iti Philippine Army iti panagpursigida iti laban kontra insurhensia.
Kabayatanna, nangted met iti Department of Social Welfare and Development Field Office 1 (DSWD FO1) iti sigud a tulong ken Ka Jose idi Hunio 23 baeten ti panangtedda kenkuana iti dua a food packs ken dua nga hygiene kits.
Kinuna ni Darwin Chan, regional information officer ti DSWD FO1 nga nakasagan met iti opisinada nga ikkan ni Ka Jose iti tulong pinansial nga PhP5,000.
(JND-PIA LU/PMCJr.-ABN)