KABATAAN HINIMOK NA MAKILAHOK SA DESISYON PARA SA PROGRAMA NG BAGUIO

September 22, 2023 Metro BLISTT

BAGUIO CITY

Hinimok ng pamahalaang lungsod ang mga kabataan na makilahok sa proseso ng paggawa ng
desisyon sa mga estratehikong programa ng lungsod. Inatasan ni Mayor Benjamin Magalong ang
pagsasama ng mga kinatawan ng kabataan sa kasapian ng iba’t ibang lupon ng lungsod, komite at iba pang kinatawan upang mabigyan ng pagkakataon ang sektor na makibahagi sa mga deliberasyon at magbigay ng mga mungkahi sa mga programa, proyekto at aktibidad ng lungsod.

Kabilang sa mga kinokonsiderang kinatawan ay ang city school board, solid waste management at health boards at information and communication technology council. “Kailangan nating bigyan
ang ating mga kabataan ng lahat ng pagkakataon na makibahagi sa paggawa ng desisyon sa mga bagay na nakakaapekto sa ating lungsod,” pahayag ni Magalong.

Aniya, ang mga kabataan ngayon ay mas makabago at konektado sa impormasyon dahil sa makabagong teknolohiya. “Mayroon silang kapangyarihan na magdala ng mga sariwang ideya sa
talahanayan at hamunin ang status quo kapag hindi na ito nagsisilbi sa higit na kabutihan.”
Sinabi ni Magalong na kailangang tanggapin ng mga kabataan ang mga layunin sa pag-unlad na hinahabol ngayon ng lungsod kabilang ang sustainability, innovation at resiliency.

“Wala nang mas magandang panahon kaysa ngayon para bigyan sila ng mga responsibilidad sa pamumuno. Ang ating mga kabataan ay hindi na dapat ituring bilang mga pinuno sa hinaharap dahil maaari na silang maging mga lider na may kakayahan ngayon,” ayon kay Magalong. “Ito ang dahilan kung bakit sa bawat pagkakataon na makukuha natin sila at isali, upang makisali at makipagugnayan sa kanila at para suportahan sila, ginagawa natin ito nang walang anumang pagaalinlangan,” dagdag niya.

Ayon pa kay Magalong, kailangan ng mga kabataan na buuin ang kanilang kaalaman at kakayahan sa gawain ng gobyerno sa parehong executive at legislative functions gayundin ang mga conflict resolution at iba pang aspeto ng pamamahala. Higit sa lahat, kailangang itanim sa mga ito ang mabuting pagpapahalaga sa pamumuno lalo na ang integridad at pananagutan upang talagang
maging mabuting tagapangasiwa ng bayan.

TFP/ABN