Lasing na tanod at isa pa, ginulpi ang kainuman sa La Union

May 19, 2018 Police Patrol

Ginulpi ng barangay tanod at kasamahan nito ang kainuman dahil sa kalasingan bandang 9:15pm ng Mayo 15, 2018 sa Brgy. Central East 1, Bangar, La Union.
Sa imbestigasyon, nag-iinuman ang biktimang si Nikki Cabaya Gazmin, 30anyos at residente ng Brgy. Cacalding, Narvacan, Ilocos Sur, kasama sina Ginbert Dimalanta Soriano, 30anyos, barangay tanod at residente ng Brgy. San Blas, Bangar, La Union, at Jemar Nalayog Viernes, 18anyos, residente ng Brgy. Magsiping, Luna, La Union.
Nagkaroon ng di pagkakaunawaan ang mga nag-iinuman nang biglang ginulpi ang biktima gamit ang kahoy.
Bilang resulta, nagkaroon ng sugat ang biktima sa kaniyang ulo at iba’t ibang bahagi ng katawan kaya itinakbo sa Ilocos Training and Regional Medical Center sa San Fernando, La Union para magamot samantalang ang mga suspek ay nasa kustodiya ng pulisya para sa tamang disposisyon.