MANILA-LAOAG A BIAHE TI KOMPANIA TI BUS AGSUBLI

September 11, 2021 Headlines

SIUDAD TI LAOAG – Imparagawag iti maysa a lokal a kompania ti bus iti panagsubli iti biahe agturong Manila a mangrugi Setiembre 5. Inyanunsio iti management ti G.V. Florida Bus Lines (Florida) nga idi Sabado, nga ibagbagada nga umaw-awatdan iti bookings ken resrevations para Manila agturong ti Laoag a ruta nga alas-dies ti rabii tunggal Lunes ken Biernes ken iti Laoag-Manila a ruta iti alas nueve ti rabii tunggal Domingo ken Huebes.
“Iti agdama, nakaawat kami iti sumagmamano a reservations ngem para iti pagnam-ayan ken kinatalged dagiti agbiahe, kayatmi a palagipanda nga agtulnog kadagiti quarantine protocols,” kuna ni Maylin Villalin, maysa a staff ti kompania ti bus iti maysa nga interbiu ti telepono.
Para kadagiti agbiahe agturong iti National Capital Region, kinunana a kasapulan iti maysa a negative antigen test result sakbay nga aglugan
bayat a dagiti agturong iti probinsia basken a mangiprisintar iti maysa a negative reverse transcriptionpolymerase chain reaction (RTPCR) result.
Iti resulta ken nasken a maala iti uneg ti 48 oras manipud panagbiahe, karaman iti acceptance letter manipud iti destinasion a local government unit, kunana pay.
Iti plete ti bus para iti Laoag-Manila a ruta ken kasumbangirna ket PhP1,111 itan, maipud PhP900 laeng bayat iti sakbay iti panawen ti pandemia.
Nanipud Enero, imbaga iti probinsia ti Ilocos Norte iti kinasagana daytoy a mangawat iti agluglugan iti public utility buses manipud Manila agturong iti Laoag ken Pagudpud, Ilocos Norte iti inaldaw ngem naaddaan iti limitado a bilang iti immawat gapu iti travel restrictions.
Idi Abril, insubli ti Florida iti Laoag-Manila ken Pagudpud-Manila a rutada ngem nasuspende dagiti operasion idi Hulio bayat a nagsubli iti Ilocos Norte ti modified enhanced community quarantine gapu iti iyaadu dagiti naakaran.
Umasping iti panagserrek dagiti returning residents iti probinsia, kinuna ni Cipriano Martinez, executive director of the Metro Ilocos Norte Council a dagiti pasahero ti bus ket maproseso met sadiay pagbeddengan iti probinsia.
“Sakbay iti planoda nga agbiahe, nasken a maikoordinar iti isasangpetda dua aldaw a nasapsapa tapno mapalaka iti panagserrekda iti probinsia,” kunana.
Natalged a pagannurotan ti physical distancing ket nasken met a suroten dagiti driver, conductor kasta met dagiti agluglugan, nga iti bilang ti pasahero a mapalubosan ket 50 percent capacity.
(LA-PNA/PMCJr.-ABN)