MANNALON ITI ILOCOS NORTE NAPAKDAARAN KADAGITI PEKE NGA ABUN

July 16, 2022 Headlines

ILOCOS NORTE – Namakdaar iti Fertilizer and Pesticide Authority kadagiti mannalon ti Ilocos Norte nga agtalinaedda a naridam kontra iti kaadda dagiti peke nga abuno iti merkado.
Kinumpirma daytoy ni Noel Tablada, FPA officer iti Ilocos Norte idi Huebes, nga imbagana a sumagmamano a sample iti naalan manipud kadagiti nagduduma nga agricultural supplies iti probinsia a maipasidong iti confirmatory analysis.
Iti maysa a Hulio 6 a memo nga nairanta kadagiti regional field units, binilin ni Dr. Myer G. Mula, FPA deputy executive director for fertilizer dagiti maseknan nga awtoridad nga isardeng iti panagusar, iyakar, ken panaglako iti sumagmamano a lokal-anaaramid nga abuno nga
mailaklako kadagiti dadduma a farm supplies idiay Pangasinan.
Karaman ditoy dagiti Agrimate 9-10-9 granular, Golden Agro Plus, Mula granular fertilizer, Turbo prime multi-elements, ken Xian-bee complete 14-14-14 granular nga saan a nakapasa iti laboratory analysis.
Sigun kenni Tablada, dadduma kadagiti nadakamat a peke a produkto nga abuno ket nakadanonen iti probinsia. “Eight other locally manufactured brands which we took samples last week are still awaiting results (Walo a sabali pay a lokal-a-naaramid a brand nga inalaanmi kadagiti sample itay napan a lawas ket maur-uray pay dagiti resultada,” kunana.
Gapo daytoy, nabalakadan dagiti mannalon nga sukimatenda iti tunggal detalye karaman iti marka wenno etiketa dagiti abuno nga gatgatangenda manipud suppliers.
Imbaga ni Tablada nga iti makuna a peke nga abuno ket mabalin nga mailasin iti etiketana ta iti pannakimprentana ket napuspusyaw ngem iti orihinal.
Kasta met, iti itsura ken kolor ti abuno ket naiduma manipud iti orihinal. Agingga ita, araramiden ti FPA iti masya a panaganalisar iti pakabuklan dagiti samples ti abuno a masansan a napili manipud nadumaduma a probinsia. Binalakadan iti FPA ti publiko nga pakaamuanda dagiti opisiales no pagduaduaanda iti kualidad dagiti abuno a ginatangda.
(LA-PNA Ilocos/PMCJr.-ABN