Mas mataas na retirement para OFWs itinutulak ng SSS

May 12, 2019 Provincial

Nais ng Social Security System (SSS) na bigyan ang mga Overseas Filipino Workers (OFWs) ng mas mataas na social security benefits lalo na sa panahon ng kanilang pagreretiro sa pagtutulak na ipatupad ang compulsory coverage ng mga OFW na may mandato sa ilalim ng Republic Act 11199 o ang Social Security Act of 2108.
Sinabi ni SSS President at Chief Executive Officer Aurora C. Ignacio na ang pension fund ay gagamitin ang lahat ng paraan upang magkaroon ng mga gabay sa compulsory OFW coverage habang ikinokonsidera ang mga hinaing at suhestiyon na tinalakay sa ginawang public forum kasama ang OFW stakeholders noong Mayo 3.
“It was clear in the public forum that all stakeholders are united in providing social security protection to all OFWs. However, we must settle some issues in the implementing guidelines.
We will continue to hold discussions with our partners in government who are jointly mandated with the SSS under the new law to ensure compulsory OFW coverage, namely the Department of Labor and Employment and its concerned agencies such as the Philippine Overseas Employment Administration, and the Department of Foreign Affairs.
Leaders from both land-based and sea-based OFW sectors will also be consulted in the process, and all together, we will see how we can best implement the provisions of the law” ani Ignacio.
Ipinapakita sa datos ng SSS na sa pagtatapos ng 2018 ay may 1.14 milyon rehistradong OFW sa SSS, kung saan nasa 550,000 ay mga nagbabayad na mga miyembro sa taong iyon.
Naglabas din ang pension fund ng tinatayang PhP5.65 bilyon sa mga benepisyo sa mahigit 63,000 OFW pensioners at mga miyembro noong 2018, o 89 porsiyento ng PhP6.37 bilyon na kontribusyong nakolekta mula sa mga OFW ng parehong taon.
Ipinapanukala sa pension fund na lahat ng land-based OFW ay dapat magbayad ng kahit isang minimum monthly contribution ng PhP960 na kasing-halaga ng 12 porsiyento ng new minimum monthly salary credit (MSC) para sa mga
OFW ng PhP8,000. Kahit nagbabayad lang ng isang buwan na kontribusyon sa bagong minimum MSC, ang miyembrong OFW ay makakakuha ng 61 beses na balik mula sa kaniyang kontribusyon o PhP58,400 sa total lump-sum benefits para sa disability, death o retirement dagdag pa ang funeral grant.
Kung nais naman nilang magbayad sa pinakamataas na MSC na PhP20,000 o P2,400 monthly contribution, ang halaga ng benepisyo ay magiging PhP116,000.
Tataas din ang sickness benefit ng OFW-members sa ilalim ng new minimum MSC para sa mga OFW.Mula sa dating PhP150/araw, ito ay tataas ng 60 porsiyento o PhP240/araw.
Ang maternitybenefit ay tataas din ng mahigit doble mula PhP10,000-PhP13,000 sa PhP28,000 sa ilalim ng Expanded Maternity Leave Law na naging epektibo noong Marso 11.
Para sa retirement benefit, ang mga may 120 qualifying monthly contributions na PhP8,000 MSC ay magkakaroon ng basic monthly pension na PhP3,200.
Kung nagbabayad sila base sa PhP20,000 MSC, ang pension benefit ay magiging PhP8,000 bawat buwan. Ipinapakita dito na kung mas mataas ang mga kontribusyon ay mas mataas din ang mga benepisyo.
“We’d like our OFWs to know that membership with SSS is for life. Membership does not expire so all contributions you put in are all accounted for. In case you stopped paying due to work abroad, you can always reactivate your membership by continuing to pay your contribution to become eligible to the seven types of SSS benefits including unemployment insurance. I hope our OFWs will look at SSS contributions as their long-term savings and not an expense burden,” ani Ignacio.
Sinabi ni Ignacio na ang SSS bilang tagapagpatupad ng batas ay sisiguruhin na ang lahat ng mga probisyon sa ilalim ng SS Act of 2018 ay lubos na makakamit.
Sa kasalukyan ay may 26 foreign representative offices ang SSS sa 18 bansa para sa mga OFW Member assistance services.
 
PMCJr./ABN